جۆرج کاکوک دڵسۆزی میللەتی کوردو زانکۆی سلێمانی کۆچی دواییکرد



جۆرج کاکوک دڵسۆزی میللەتی کوردو زانکۆی سلێمانی کۆچی دواییکرد

 kosarothman(kosar.amin@univsul.edu.iq)

 سەرلەبەیانی رۆژی2017/1/3 لە یەکێک لە قاوەخانەکانی بۆدابێستی پایتەختی هەنگاریا، نووسەرو سیاسەتمەداری هەنگاری و دڵسۆزی میللەتی کوردو زانکۆی سلێمانی (جۆرج کاکوک) بە جەڵدەیەکی کتوپڕو لەتەمەنی 52 ساڵیدا کۆچی دواییکرد.

جۆرج کاکۆک هەر لەساڵی 1991ـەوەو لەکۆڕەوەکەدا سەردانی کوردستانی کردووەو بەشێوەیەکی هەمیشەیش سەردانی کوردستانی تورکیای کردووە شارەزای رێگاو بان و چیاکانی هەکاری و قەندیل هەندرێن بووە، چیرۆکی تایبەتی دروست کردووە لەسەریان، لەکۆلێجی یاسا دکتۆرای وەرگرتووەو لە چەندین لیژنەی نێونەتەوەیی ئەندام بووە، وەکو گفتوگۆ لەسەر گرتە مێزی نێونەتەوەیی جینائی، وە کاتی سەربەخۆیی کۆسۆڤۆدا ئەندام بووە هەروەها لەئۆرگانی ئاسایش و هاوکاری نەتەوەیی رۆڵی هەبووە، لە چەندین رۆژنامەو کەناڵی تەلەفزیۆنی لە هەنگاریاو دەرەوەی وڵات کاری کردووە، ساڵی پار لە سەر مەلەفی سەربەخۆیی کۆسۆڤۆ چەندین سیمیناری لە زانکۆکانی سلێمانی و هەولێر سازکردووەو ویستوویەتی هاوشێوەی کۆسۆڤۆ، کوردستان پیشانبدات بۆ سەربەخۆیی.
کاکۆک بەسەدان نووسین و وتاری هەبووە لەسەر مەلەفی کوردو سەربەخۆیی کوردستان و مافی چارەنووسی کورد، ماوەیەک ئەندامی سەرکردایەتی پارتی دیموکراتی کوالیسۆنەکان بووە لە هەنگاریا.
 لە لێشاوی پەناهەندەکانی ساڵی پار لە تورکیاوە تاکو هەنگاریا لەگەڵ پەناهەندەکان بەپێ رێگەی بڕیوە بەرەو ئەوروپا تاکو بزانێت ئازارو وێنە راستییەکانی پەناهەندەیی چییە، تەنها سیاسەتمەدار بووە کە لە پێش چاوی کەناڵە تەلەفزیۆنییەکانی هەنگاریاو جیهاندا بەدەستی خۆی کەوتە شکاندنی تەلبەندە سنوورییەکان کە حکومەتەی هەنگاریا لەبەردەم پەناهەندەکان دروستی کردبوو، چەندین کتێبی بڵاوکردۆتەوە، دواکتێبی لەسەر ئەزموونی خۆی لەگەڵ پەناهەندەکان هەر لە کوردستانەوە تاکو هەنگاریا بڵاوکردۆتەوە.
جۆرج کاکۆک دڵسۆزی زانکۆی سلێمانی بووە هەر  لە  مانگی (5)ـی ساڵی پاردا بەشداری لە کۆنفرانسی ناسنامەو شوناسی نێونەتەوەیی کردووە لە پانێلێکدا سیمینارێکی پێشکەشکرد، کاری دەکرد بۆ دروستکردنی پەیوەندی فەرمی لەگەڵ حکومەتی هەرێمی کوردستان و پارتە سیاسییەکان.
 




 2017-01-08
 679