مەراسیمێك بۆ ناشتنەوە و گەڕاندنەوەی نەمامێکی دارە زەردەکەی قەرەداغ ئەنجامدرا



مەراسیمێك بۆ ناشتنەوە و گەڕاندنەوەی نەمامێکی دارە زەردەکەی قەرەداغ ئەنجامدرا

 shna.amin@univsul.edu.iq

رۆژی پێنجشەممە بەرواری 2017/3/2 لە مەراسیمێکی تایبەتدا و بە بەشداری قایمقامی قەرەداغ و چەندین کەسایەتی ناوچەکە کۆلێجی زانستە کشتوکاڵییەکان کۆپیەکی دارە زەردەکەی قەرەداغی وەك دیاریەك بەخشیەوە ناوچەکە و لە شوێنی داری دایك دووبارە نێژرایەوە.

ئەم دەست کەوتە زانستیەی کۆلێج بە ئەرك و ماندوو بونی د. علی عثمان شارباژێڕی مامۆستا لە بەشی باخداری و بە بیرۆکەی  مامۆستا جزا أحمد  قادر ئەمینداری کتێبخانەی کۆلێج هاتۆتە بەرهەم و لە مەراسیمێکدا دوبارە گەڕێنرایەوە زێدی خۆی.

شایەنی باسە لەم مەراسیمەدا ڕاگری کۆلێج پڕۆفیسۆری یاریدەدەر د. کارزان تۆفیق مەحمود ووتەیەکی پێشکەش کرد و تێیدا جەختی لەوە کردەوە کە پاراستنی  ژینگە ئەرکی سەرشانی هەموو تاکێکی کۆمەڵگەیە ، هەر بۆیە لە دوای شکاندنی دارە زەردەکەی قەرەدا بەهۆی ڕەشەباوە لە ساڵی ڕابردوودا بیر لەوە کرایەوە کە کۆپی دارە زەردەکە بگەڕێندرێتەوە زێدی خۆی.

لە کۆتایی مەڕاسیمەکەدا قەڵغانی ڕێز لێنان بەخشرایە هەر یەك لە د. علی محمد و كاك جزا وەك ڕێزلێنانێك لە ئەرك و ماندوبونیان.





 2017-03-06
 426