بۆ یەكەم جار لەسەر ئاستی زانكۆكانی هەرێم زانكۆی سلێمانی پەیڕەوی ڕێڕەوی بۆڵۆنیا دەكات



بۆ یەكەم جار لەسەر ئاستی زانكۆكانی هەرێم  زانكۆی سلێمانی پەیڕەوی ڕێڕەوی بۆڵۆنیا دەكات

 shna.amin@univsul.edu.iq

هەردوو بەشی تەلارسازی لە زانكۆی سلێمانی و فاكەڵتی  تەلارسازی و پلاندانانی شارستانی  لەزانكۆی براندنبۆرگی تەكنیكی BtU  ئەڵمانی ڕێكەوتن لەسەر دەستبەكاربوون بۆ خوێندنی ماستەر بە شێوازی هاوبەش لە سەر ڕێڕەوی بوڵۆنیای نێودەوڵەتی .

لە چوارچێوەی ئەو هەماهەنگیەی لە نێوان هەردوو زانكۆی سلێمانی و زانكۆی براندنبۆرگی تەكنیكی ئەڵمانی BtU كە ماوەی چەند ساڵێكە بەردەوامە ،لە بەرواری 7-2ی4ی2017هەردوو بەشی تەلارسازی لەو دوو زانكۆیە وۆركشۆپێكی هاوبەشیان ئەنجامدا لەسەر ئامادەكارییەكان بۆ دەستپێكردنی خوێندنی ماستەری هاوبەش لە نێوانیاندا بە سیستەمی  ڕێڕەوی  بۆڵۆنیا Bologna  process System.
 شایانی باسە كە پەیڕٍەوكردنی ئەم ڕێڕەوە لە نێوان ئەم دوو بەشەدا یەكەمین هەوڵە لەسەر ئاستی زانكۆكانی كوردستان كە ئەمەش دوای چەندین وۆركشۆپی هاوبەش لە نێوان هەردوو بەشی زانكۆی سلێمانی و زانكۆی براندنبۆرگی تەكنیكی BtU ئەڵمانیدا هاتووە لە ماوەی سێ ساڵی ڕابردوودا  وە ئەم خوێندنە كە هەڵێنجاوی ئەو وۆركشۆپانەیە و یەكەم هەنگاوە لە كوردوستاندا.
جێی باسە پرۆسەی بۆلۆنیا ڕێكەوتنی نێوان 29 ووڵاتی ئەوروپایە كە ساڵی 1999 بۆ بە ستانداردكردنی سیستەم و كوالێتی خوێندی باڵا لەسەر ئاستی ووڵاتانی ئەوروپی ئیمزا كراوە لە پێناو بنیاتنانی ناوچەیەكی ئەورپی بۆ خوێندنی باڵا.
پڕۆسەی بۆلۆنیا دەرەنجامی زنجیرەیەك كۆبونەوەی ساڵانەی وەزیرانی خوێندنی باڵای ئەو 29 ووڵاتەی كیشوەری ئەوروپابوو كەلە شاری لیشبۆنە پێكهێنرا،پێش واژووكردنی ڕێكەوتننامەكە لە ساڵی 1988 پەیمانی مەزن(مەگنا كارتا)ی زانكۆكان لە زانكۆی بۆڵۆنیا لە ئاهەنگی 900 ساڵەی دامەزراندنی دا لە لایەن بەڕێوبەرانی زانكۆكانەوە دەركرا هەربۆیەش ناوی لێنرا پڕۆسەی بۆڵۆنیا.
 
 




 2017-04-17
 897