سیانزە ساڵ بەسەر كردنەوەی كۆلێجی دەرمانسازی زانكۆی سلێمانیدا پێدەپەڕێت



سیانزە ساڵ بەسەر كردنەوەی كۆلێجی دەرمانسازی زانكۆی سلێمانیدا پێدەپەڕێت

 shna.amin@univsul.edu.iq

لە كەمپی ناوشاری زانكۆی سلێمانی و بە ئامادەبوونی دكتۆر هیوا ڕاگری كۆلێجی دەرمانسازی و بە ئامادەبوونی دكتۆر خەسرەو عەبدوڵڵا یاریدەدەری سەرۆكی زانكۆ بۆ كاروباری خوێندنی باڵاو توێژینەوەی زانستی و ژمارەیەك لە ڕاگر و مامۆستاو خوێندكارانی كۆلێجی پزیشكی دەرمانسازی ئاهەنگی ساڵانەی خۆی ئەنجامدا.

سەرلەبەیانی ڕۆژی 24/4 كۆلێجی دەرمانسازی بە بۆنەی یادی دامەزراند و كردنەوەی كۆلێجەوە فێستیڤاڵی ساڵانەی ئەنجامدا و كە هاوكاتە لەگەڵ ڕۆژی شەهیدانی زانكۆ ، لە ووتەیەكیدا دكتۆر هیوا ڕاگری كۆلیجی دەرمانسازی ڕایگەیاند: كۆلیجی دەرمانسازی دامەزراوە بەهۆی پێویستی خەڵكی كوردستان بە پزیشكی دەرمانساز و لەسەر داوای بەڕێز مام جەلال وەك وەڵامێك بۆ دوژمنانی گەلی كورد كەلە ساڵی 1974دا زانكۆی سلێمانی و چەند گەڕەكێكی شار بە چەكی ناپاڵم بۆردومان كراو لە ئەنجامدا چەند خوێندكارێكی زانكۆ و ژمارەیەك لە هاوڵاتیانی بێتاوان شەهید بوون  بۆیە وەك وەفایەك بۆ ئەو شەهیدانە لەو كاتەدا و لە ساڵی 2004دا بیر لە كردنەوەی ئەم كۆلیجە كرایەوە.

هەر لە درێژەی قسەكانیدا  ڕاگری كۆلێجی دەرمانسازی ووتی: پەیامی كۆلیجمان بریتییە لە پێشكەشكردنی بەرزترین ئاستی خوێندن و پەیڕەوكردنی پڕۆگرامی خاوەن متمانە بۆ ئەوەی خوێندكارە دەرچووەكانمان بتوانن و لە سەدەی 21 دا لە هەموو بوارەكاندا خزمەت بكەن بە باشترین شێوە چوونكه چارەسەركردنی نەخۆش هەر ئەوه نییه كه چەند دهنكه حەبێكی بدرێتێ هەربۆیە لەم پێناوەدا مامۆستاكانمان خوێندكاراكان فێردەكەن بۆ ئەوەی گرنگی بدەن به نەخۆش و چارەسەری زیاتریان بۆ بكرێت.

دكتۆر هیوا ووتیشی: كاتێك كه دەرچووەكانمان دەچنه دەرەوەی وولات بۆخوێندن نمرەكانیان له هاوەڵەكانیان زۆر بەرزتره و دەتوانن كار بكەن له هەموو بوارەكان تەنانەت لە پیشەسازی دهرمانیشدا، بۆیە لێرەوە داوا لە حكومەت دەكەین كه سوود وەربگرێت له شارەزایی و لێهاتوویان و ههلی كاریان بداتێ و دایان بمهزرێنێت ، لە كۆتایی قسەكانیشیدا ڕاگری كۆلێجی دەرمانسازی ووتی: ئەمڕۆ 13ساڵ تێدەپەڕێت بەسەر كردنەوەی كۆلێجەكەدا جگەلەوەی كە خاوەنی سەدەها خاوەن بڕوانامەی بەكالۆریوسن  لەگەڵ چەندەها بڕوانامەی ماستەر و دكتۆرا.

پاشان لەلایەن خوێندكارانەوە پێشانگایەكیشكرایەوە كە چەندین بابەتی تایبەتی پزیشكی و نمایشكرا. 

 

 





 2017-04-28
 636