وەفدێكی فەڕەنسا سەردانی زانكۆی سلێمانی دەكات



وەفدێكی فەڕەنسا سەردانی زانكۆی سلێمانی دەكات

 shna.amin@univsul.edu.iq

پڕۆفیسۆری یاریدەدەر دكتۆر ڕەزا حەسەن سەرۆكی زانكۆی سلێمانی سەرلەبەیانی ئەمڕۆ بە ئامادەبوونی یاریدەدەرانی سەرۆكی زانكۆ و ڕاگرانی هەریەك لە كۆلێجی زمان و پزیشكی ددانی زانكۆی سلێمانی پێشوازی لە  تیری دانا راوێژكاری هەماهەنگی و چالاكی كەلتوری و مرۆڤایەتی و بەڕێوبەری ئینستیوتی فەڕەنسی كرد.

لە كۆبونەوەیەكدا سەرۆكی زانكۆی سلێمانی بەخێرهاتنی تیری دانا راوێژكاری هەماهەنگی و چالاكی كەلتوری و مرۆڤایەتی و بەڕێوبەری ئینستیوتی فەڕەنسی، بە یاوەری ڕزگار مستەفا بەڕێوبەری قوتابخانەی فەڕەنسی سلێمانی و سكرتێری ڕێكخراوی دیالۆك كرد و هیوای خواست لە ڕێگەی ئەم سەردانەوە بتوانن پەیوەنییەكی باشتر و پتەوتر لە نێوان هەردوولادا دروست بكەن لە ڕووی زانستی و كەلتورییەوە، لە بەرامبەردا تیری دانا بەڵێنی هەموو هاوكارییەكی بە زانكۆی سلێمانی دا و داوای لێكردن كە هەوڵی كردنەوەی بەشی فەرەنسی بدرێت لە زانكۆی سلێمانی و لای خۆشییەوە دكتۆر ڕەزا حەسەن ووتی لە زانكۆی سلێمانیدا بەشی فەڕەنسی نیە بەڵكۆ وانەی فەڕەنسی هەیە كە لە بەشی ئینگلیزی كۆلێج زماندا دەخوێنرێت.

هەر لەو كۆبونەوەیەدا داوا لە تیری دانا كرا هاوكاربێت لە كردنەوەی بەشی فەڕەنسی لە زانكۆی سلێمانی و بەڵێنیدا كە هەموو هەوڵێك دەدات لە پێناو كردنەوەی بەشی فەڕەنسی لە زانكۆی سلێمانی و داواشی كرد كەلە سەرەتادا زانكۆ پێویستە زەمینە سازییەك بكات بۆ كردنەوەی ئەو بەشەو ئەوانیش هاوكاریان دەبن لەم نێوەندەدا، وە ئاماژەش بەوەكرا كە پێویستە حكومەتی فەرەنسی هاوكاری زانكۆی سلێمانی بكات لە ڕێگەی دابینكردنی زەمالەی خوێندن كە ئەمەش دەبێتە هۆی زیاتر لێكنزیكبونەوەی زانكۆی سلێمانی لەگەڵ زانكۆكانی فەڕەنسادا وەك چۆن لە ساڵانی 2010بۆ 2011 نزیكەی 20 زەمالەی خوێندن بۆ زانكۆكانی هەرێمی كوردستان دانرا لە لایەن حكومەتی فەڕەنسییەوە و لە نێویشیاندا زانكۆی سلێمانی نزیكەی شەش بۆ حەوت زەمالەی خوێندنی بەركەوت بەمەش پەیوەندییەكی باش لە نێوان هەردوو ووڵاتدا دروستبووە  لە ڕووی زانستی و ئەكادیمییەوە، لە درێژەی كۆبونەوەكەشدا داوایان لە تیری دانا كرد كە هەوڵبدرێت لە ڕێگەی كردنەوەی كۆرسی خویندن و زمانەوە هاوكاری مامۆستایانی زانكۆی سلێمانی بكرێت، وە یان لە ڕێگەی بەرنامەی ئیراسمۆسەوە  كە زانكۆی سلێمانی پەیڕەوی دەكات ژمارەیەك لە خوێندكاران بنێردرێن بۆ فەڕەنسا یان خوێندكاری فەڕەنسیش بێنە كوردستان و لە زانكۆی سلێمانی درێژە بە خوێندن بدەن،  لە بەرامبەریشدا تیری دانا ووتی بەڵێن دەدەم كە هەموو پێشنییارەكان بگەیەنمە دەستی حكومەتی فەڕەنسا.





 2017-06-11
 733