سەرۆكی زانكۆ لەگەڵ بەرپرسانی گۆڤارە زانستییەكانی ناو زانكۆ كۆبووەوە



سەرۆكی زانكۆ لەگەڵ بەرپرسانی  گۆڤارە زانستییەكانی ناو زانكۆ كۆبووەوە

 zanyar.fatah@univsul.edu.iq

ئەمڕۆ 30-7-2017، پرۆفیسۆری یاردیدەدەر د. رەزا حەسەن حسێن سەرۆكی زانكۆی سلێمانی لەگەڵ گۆڤارە زانستییەكانی زانكۆی سلێمانی كۆبوووەوە.
 كۆبوونەوەكە تایبەت بوو بە گفتوگۆكردن و راگۆڕینەوە بۆ گەشەپێدان و بەرزكردنەوەی ئاستی زانستی گۆڤارە زانستییەكانی زانكۆی سلێمانی، لەسەرەتای كۆبوونەوەكە سەرۆكی زانكۆ باسی لە كۆبوونەوەی لەكەڵ ئەنجومەنی وەزارەتی خوێندنی باڵا كرد لەسەر بڵاوكردنەوەو بەرزكردنەوەی ئاستی زانستی گۆڤارەكانی زانكۆ و پوختەكردن و برەودان و هەڵسەنگاندنی ئەو بابەتە زانستییانەی  كە لە گۆڤارەكانی زانكۆدا بڵاودەكرێنەوە، كە هەوڵبدرێت لەرووی چۆنایەتی و چەندایەتییەوە زیاتر پەرەیان پێبدرێت، بە ئامانجی بەرزكردنەوەی كواڵێَََتییان و بەرزكردنەوەی ئاستی زانستییان.
هەروەها سەرۆكی زانكۆ باسی لە پوختەكردن و رێكخستنەوەی كاری گۆڤارەكان كرد كە بەشێوازێكی زانستی وا رێكبخرێنەوە كە دووربن لە بەربڵاوی و زۆری و بۆری و كاربكرێت بۆ ئەوەی زۆرترین توێژینەوەی زانستی مامۆستایانی زانكۆی تێدا بڵاو بكرێتەوەو پەرەی زیاتریش بە كواڵێتی بابەتەكانی و هەروەها چۆنێتی  بڵاوكردنەوەیان بدرێت، وتیشی: كاربۆ ئەوە بكرێت كە لەرێگەی بەستنی وۆرك شۆپ و سیمیناری زانستی برەوی زیاتر بە گۆڤارە زانستییەكانی زانكۆ بدرێت و بابەتەكانی دەوڵەمەند بكرێن و ئاستی زانستییان زیاتر بەرزبكرێتەوە، پاشان سەرۆكی زانكۆ داوای لە ئەندامان كرد كە پێشنیارو تێبینییەكانیان بخەنەڕوو بۆ چارەسەركردنی كێشەكان و برەودانی زیاتر بە گۆڤارە زانستییەكان و چارەسەركردنی كێشەكانیان.
دواتر لەلایەن هەریەك لە ئەندامانی كۆبوونەوەكە پێشنیارو سەرنج و تێبینییەكان خرانەڕوو، گفتوگۆی تەواو لەسەر سەرجەم پێشنیارو تێبینییەكان كرا، بۆ زیاتر بەرزكردنەوەی ئاستی زانستی و كواڵێتی  گۆڤارە زانستییەكانی زانكۆ.
 
 




 2017-07-30
 773