لەرێورەسمێكدا دەستپێكردنی چالاكییەكانی جێندەری و هەفتە بەرەنگاربوونەوەی توندوتیژی دژی ژنان لە ناو زانكۆ راگەیەنرا



لەرێورەسمێكدا دەستپێكردنی چالاكییەكانی جێندەری و هەفتە بەرەنگاربوونەوەی توندوتیژی دژی ژنان لە ناو زانكۆ راگەیەنرا

 zanyar.fatah@univsul.edu.iq

ئەمڕۆ 29-11-2017، لە رێورەسمێكی شایستەدا بە ئامادەبوونی پرۆفیسۆری یاریدەدەر د. رەزا حەسەن حسین  سەرۆكی زانكۆی سلێمانی و ژمایەكی بەرچاو لە ئەندامانی ئەنجومەنی زانكۆ و مامۆستایان و خوێندكاران لە ناو كەمپی زانكۆی سلێمانی بە لابردنی پەردە لەسەر تابلۆیەكی خوێندكاران چالاكییەكانی هەفتەبەرەنگاربوونەوەی توندوتیژی دژی ژنان دەستی بەكارەكانی كرد.

 لە سەرەتای رێورەسمەكەدا پرۆفیسۆری یاریدەدەر د. رەزا حەسەن حسین  سەرۆكی زانكۆی سلێمانی بەو بۆنەیەوە وتەیەكی پێشكەشكردو رایگەیاند:  وەك زانكۆی سلێمانی پشتگیری لە هەرپرۆژەو كاروچاكییەكی ئەو گروپ و رێكخراو سەتنەانە دەكەین كە لە بوارەكانی پارێزگاری لە مافی ژنان و دژی توندوتیژی دژی ژنان كاردەكەن و هەوڵدەدەن لە رێگەی كاروچالاكییەكانیانەوە یەكسانی لە نێوان مافەكانی ژنان و پیاوان و هۆشیاركردنەوەی ژنانی كۆمەڵگە لە مافە رەواكانیان كاردەكەن، وتیشی: بێگومان زانكۆی سلێمانی وەك ناوەندێكی ئەكادیمی و زانستی شان بە شانی ئەركە زانستی و مەعریفییەكانی كاری جدی لەبواری جێندەریی و پاراستنی مافەكانی ژنان و هۆشیاركردنەوەیان كاری جدی كردوە، بۆ ئەو مەبەستەش كردنەوەی سەنتەری جێندەرو هێنانە پێشەوەی ژنان و پشتگیری كردنیان بۆ خۆی گەواهییدەری ئەوەیە.
دواتر لەلایەن ژمارەیەك لە خوێندكارانی كوژ و كچی ناو زانكۆ پڕۆژەیەك لە هەفتەبەرەنگاربوونەوەی توندوتیژی دژی ژنان ئاشكراكراو دروستكردنی تابلۆیەك كە گوزارشتی لە مافەكانی ژنان و تواناكانیان و بەرەنگاربوونەوەی توندتیژی لە كۆمەڵگا نمایشكرا.
 




 2017-11-29
 239