لە زانكۆی سلێمانی پانێڵێك لەبارەی توندوتیژی دژبە ژنان بەڕێوەچوو



لە زانكۆی سلێمانی پانێڵێك لەبارەی توندوتیژی دژبە ژنان بەڕێوەچوو

 zanyar.fatah@univsul.edu.iq

لە چوارچێوەی زنجیرە چالاكییەكانی زانكۆی سلێمانی بۆ بۆنەی 16 رۆژەی بەرەنگاربوونەوەی توندوتیژی دژبە ژنان ئەمڕۆ 5-12-2017، سەنتەری خوێندنی جێندەرو توندوتیژی لە زانكۆی سلێمانی لە هۆڵی كۆماری كوردستان لە كۆلێجی زانستە مرۆڤایەتییەكان، پانێلێكی لە ژێر ناونیشانی ((بەشوم مەدەن بامنداڵ بژیم)) سازكرد. 
دەستپێكردنی پانێڵەكە بە ساتێك وەستان بۆ گیانی پاكی شەهیدانی كوردو كوردستان دەستی پێكرد، هەروەها لە دەستپێكی كردنەوەی پانێڵەكە پرۆفیسۆری یاریدەدەر د. خەسرەو عەبدوڵڵا رەشید یاریدەدەری سەرۆكی زانكۆ وتەیەكی بەو بۆنەیەوە پێشكەشكردو تێیدا باسی لە رۆڵی سەنتەری خوێندنی جێندەرو توندوتیژی زانكۆی سلێمانی كرد كە لەسەرەتای دروستبوونیەوە توانیوێتی لە رێگەی كارەكانییەوە خزمەتێكی باش بە مافەكانی ژنان و هۆشیاركردنەوەی كۆمەڵگا بكات لەسەر مافەكانی ژنان و بەرەنگاربوونەوەی توندوتیژی دژبە ژنان لە كۆمەڵگای كوردیدا.
وتیشی: زانكۆی سلێمانی وەك ناوەندێكی ئەكادیمی و مەعریفی چەند ساڵێكە سەنتەری خوێندنی جێندرەو توندوتیژی كە سەنتەرێكی ئەكادیمییە تێدا دامەزراوە، كە ئەمەش مانای ئەوەیە كە زانكۆی سلێمانی هەمیشە پێشنگ بووە لە كوردستان و ناوچەكە لەسەرجەم بوارە زانستی و ئەكادیمی و مەعریفییەكاندا.
دواتر لەلایەن پرۆفیسۆری یاریدەدەر د. ژیا عەباس بەڕێوەبەری سەنتەری خوێندنی جێندەر بۆ توندوتیژی لە زانكۆی سلێمانی وتەیەك پێشكەشكرا، كە تێیدا بە كورتی باس لەئامانج و چالاكییەكانی سەنتەری خوێندنی جێندەر بۆ توندوتیژی لە زانكۆی سلێمانی كرد لە سەرەتای دامەزراندییەوە تائصستا، وتیشی: ئامانج لەكارەكانی ئەم سەنتەرە دورخستەوەی كۆمەڵگایە لە توندوتیژی و بەرهەمهێنانی كۆمەڵكایەكی هۆشیارو بەتاڵە لە توندوتیژی بەهەموو جۆرەكانییەوە.
پاشان بەشەكانی پانێڵەكە دەستیپێكرد، لە بەشی یەكەمی پانێڵەكەدا لەلایەن د. نەوزاد ئەحمەد ئەسوەد توێژینەوەیەك لەسەر(( رەوشی هاوسەرگیری پێشوەخت لە هەردوو كەمپی عەربەت و ئاشتی لە سلێمانی)) پێشكەشكرا.
هەروەها لە بەشی دووەمی پانێڵكەدا د. كوردستان عومەر توێژینەوەیەكی لە بارەی((پاڵپشتی كۆمەڵایەتی و پەیوەندی بە خۆگونجاندن خودی كۆمەڵایەتی لای ژنانی توشبوو بە شێرپەنجەی مەمك)) پێشكەشكرد.
 لەبەشی سێیەمی پانێڵ مامۆستا جوان جلالالدین محێدین توێژینەوەیەكی لەسەر (( قەڵەمی ژن لە رۆژنامەنووسی كوردیدا، بەراوردێك لە نێوان رۆژنامەی كوردستانی نوێ و هاووڵاتییدا)) پێشكەشكرد.
لە بەشی چوارەمی پانێڵیشیدا مامۆستا سورێن ئەبوكرعبدوڵڵا توێژینەوەیەكی لەسەر (( پێگەی كۆمەڵایەتی كچی وەرزشەوانی كورد لە كۆمەڵگەدا، كگە تویچژینەوەیەكی سۆسیۆلۆژی وەرزشیە پێشكەشكرد)).




 2017-12-05
 174