نوێنەرایەتی مامۆستایانی زانکۆی سلێمانی بەیاننامەیه‌ك  بڵاوده‌كه‌نه‌وه‌



 نوێنەرایەتی مامۆستایانی زانکۆی سلێمانی بەیاننامەیه‌ك  بڵاوده‌كه‌نه‌وه‌

 kosarothman(kosar.amin@univsul.edu.iq)

       بەڕیزان: ئەنجومەنی وەزیرانی هەرێمی كوردستان

  وەزارەتی خوێندنی باڵا و توێژینەوەی زانستی

  لەبەیاننامەی رۆژی ۲٤ ئازاری /۲٠۱۸ دا ئاماژەمان بەوە کردووە، کەماوەی سێ سالە مامۆستایانی زانکۆ  پێشمەرگە ئاسا  ئەرکی خۆیانجێبجێکردووە هۆلەکانی خوێندنیان چۆل نەکردووە ، لەگەل ئەوەی کە ئەوان زەرەرمەندترین چینی سستمی مووچە بوون، لەگەل ئەوەشدا بەبەردەوامی جەختمان لەداواکارییەکان کردۆتەوەبە بەیاننامەو خۆپیشاندان و سەرجەم رێگا مەدەنیەکانمان بەکار هێنا، لەدوا بەیاننامەشداداوای بەپەلەی چاککردنی ژیانی مامۆستایان و سەرجەم چینەکانمان کرد،چونکە سنوری دانبەخۆداگرتن لەرادە دەرچووە سنوری تێپەراندووە.

لەم ئه‌م ماوەی سێ ساڵەدا کە ئێمە نوێنەر بوین زانکۆ بەبارودۆخێکی ئێجگار قورسی ئابوریدا  تێپەربووە  مامەلەکردنو خۆگونجاندن لەگەل قەیراندائاسان نەبوو، بۆ چینێک تەنهاو تەنها دەرامەتی مووچەکەیەتی ، چونکە ئەم چینە هێندە وابەستەی  پسپۆری و ئەرکەکەیەتی بەهیچ جۆرێک نەیتواوە دەست بۆ کارێکی تر ببات، هەربۆیە بەبەردەوامی ئەمانەمان بە لایەنه‌ پەیوەندیدارەکان گەیاندوەلەحزب و حکومەت،. 

ئەم چینە هەمیشە وەک رایەری کۆمەل وێنادەکرێن، هەمیشە هەستیان بە بەرپرسیارێتی کردووە، بەلام بەداخەوە هێندەی دلسۆزی و هەستکردن بەبەرپرسیارێتی ئەوان  زۆرجار هەست بەخەمساردی لایەنی پەیوەندیدار کراوە،ئەم گۆرانکارییانەی کەئێستا لە مووچەدا کراوە،لەگەل ویستیی مامۆستیاندا یەکانگیر نابێتەو کەداوای هەلوەشاندنەوەی سیستەمەکەمان دەکرد،بەڵام بەهەنگاوێکی

 باشی دەزانین  بۆکۆتاییەکی تەواوەتی سستمەکە، بۆیە داواکارین:

۱- بەزووترین کات سیستمی پاشەکەوتی موچە هەلبوەشێنرێتەوە، میچێکی زەمەنی بۆ دابنرێت.

۲ـ هەنگاوی سستمی نوێ بەپراکتیک بکرێت بۆ ئه‌وه‌ی بەزووترین کات لیستی نوێی موچە بەم سستمە رابگەیەنرێت بۆئەوە متمانە بۆ خەلک بگەرێتەوە

۳- موچە خۆران دلنیا بکرێنەوە،بەوەی کەپاشەکەوتەکەیان نافەوتێت و لەئەژمارێکی بانکیدا هەلده‌گیرێت و میکانیزمێک بۆ دانەوەی دەستنیشان بکرێت.

 لەکۆتایدا زۆر سوپاسی سەرجەم مامۆستایان و فەرمانبەران دەکەین کەهێندە پشوو درێژ بون  وبەردەوام بوون لە کارەکانیان دا، هەر بەو گیانەش ئەم چەند هەفتەیەی کەماوە بەردەوام دەبین لە ئەرکەکانمان  خوێندکاران نائومێد ناکەین.

 نوێنەرایەتی مامۆستایانی زانکۆی سلێمانی 

۲۹/ئازار/۲٠۱۸

 





 2018-03-29
 1144