یەكەمین وۆرك شۆپی نێودەوڵەتی بۆ زانستی پزیشكی وەرزشی لە زانكۆی سلێمانی بەڕێوەچوو



یەكەمین وۆرك شۆپی نێودەوڵەتی بۆ زانستی پزیشكی وەرزشی لە زانكۆی سلێمانی بەڕێوەچوو

 zanyar.fatah@univsul.edu.iq

بە چاودێری پرۆفیسۆری یاریدەدەر د. رەزا حەسەن سەرۆكی زانكۆی سلێمانی، راگرایەتی كۆلێجی پەروەردەی وەرزش یەكەمین وۆرك شۆپی نێودەوڵەتی بۆ (زانستی پزیشكی وەرزشی) بە بەشداری پسپۆڕی دەرەكی و ناوخۆیی سازكرد، كە ماوەی سێ رۆژ دەخایەنێت، لە 31-3 بۆ 2-4 ی 2018 بەردەوام دەبێت.

هەر لەو بارەیەوە د. دیاری محەمەد راگری كۆلێجی پەروەردەی وەرزشی لە زاكۆی سلێمانی رایگەیاند:  ئەمە یەكەم وۆك شۆپی نێودەوڵەتییە كە كۆلێجی پەروەردەی وەرزشی زانكۆی سلێمانی ئەنجامدەدرێت كە لەسەر پێكانە وەرزشییەكانە (اصابات ریاضية) كە لە لایەن مامۆستایەكی پسپۆڕ لە بوارەكەدا وانەكان دەوترێنەوە، لە زانكۆی مەنسورەی وڵاتی میسرەوە بانگهێشتی زانكۆ كراوە.

 راشیگەیاند: وانەكان زۆربەیان لەسەر پێكانە وەرزشییەكان و خۆپاراستن لێیان پێش روودانیان، هەروەها لەكاتی روودانی هەر پێكانێكی وەرزشی چی بكرێت بۆ ئەوەی زیانەكان لەسەر جەستەی وەرزشوان كەمبێت و زوو چاكبێتەوە.

 هەروەها وتی: لە راستیدا ئەمە بابەتێكی زۆر پێویستە بۆ تاكی وەرزشوان، چونكە هەمیشە ئەگەری رووبەڕووبوونەوەی بە پێكان هەیە، بەتایبەت تریش بۆ كۆلێجی وەرزشی كە دەتوانین ئەو وانانە سودی لێوەربگرین بۆ خوێندكارەكانمان و سەرجەم وەرزشوانەكان بۆ   پاراستنیان و چاسەرەكردنیان لە پێكانە وەرزشییەكان.
 وتیشی: سەرەتای بیرۆكەی وۆرك شۆپەكە لە لایەن كۆلێجەوە ئامادەكرا، دوای ئەوەی لەگەڵ پرۆفیسۆری یاریدەدەر د. رەزا حەسەن حسێن سەرۆكی زانكۆ پرۆژەكەمان تاوتوێكرد، خۆشبەختانە بەرێزیان، زۆریان پێخۆشبوو بە سنگێكی فراوانەوە  پێشوازیان لە پرۆژەكە كردو پاڵپشتی و هاوكاری زۆریان كردین .
 ئاماژەی بەوەشدا، ئەوە زۆر دڵخۆشكەرە بۆ ئێمە كە هەر لەیەكەم رۆژی وۆرك شۆپەكەوە نزیكەی 120 كەس لە ناوەڕاست و باشوری عیراقەوە هاتوون و بەشداری وۆرك شۆپەكەیان كردوە.
 
 




 2018-04-01
 1050