بە ئەلیكترۆنیكردنی سیستمی دڵنیایی جۆری لە زانكۆی سلێمانی كەوتەكار



بە ئەلیكترۆنیكردنی سیستمی دڵنیایی جۆری لە زانكۆی سلێمانی كەوتەكار

 zanyar.fatah@univsul.edu.iq

ئەمڕۆ 10-6-2018، لە رێورەسمێكی شایستەداو بە سەرپەرشتی پڕۆفیسۆری یاریدەدەر دكتۆر ڕەزا حەسەن حسێن سەرۆكی زانكۆی سلێمانی و بە ئامادەبوونی ئەندامانی ئەنجومەن و دكتۆر ئەیسەر بەڕێوەبەری بەڕێوەبەرایەتی تەكنەلۆجیای زانیاری زانكۆی سلێمانی  و دكتۆر كاوە بەڕێوەبەری دڵنیایی جۆری لە زانكۆی سلێمانی، بەئەلیكترۆنیكردنی سیستمی دڵنیایی جۆری زانكۆی سلێمانی راگەیەنراو هەر ئەمڕۆش سیستمەكە بەشێوەیەكی فەرمی خرایەكار.

لە سەرەتای رێورەسمەكەشدا پڕۆفیسۆری یاریدەدەر دكتۆر ڕەزا حەسەن حسێن سەرۆكی زانكۆی سلێمانی وتەیەكی لەسەر دامەزراندنی بەئەلیكترۆنیكردنی سیستمی دڵنیایی جۆری زانكۆی سلێمانی پێشكەشكردو رایگەیاند: زانكۆی سلێمانی وەك یەكێك لە زانكۆ پێشەنگەكانی كوردستان هەمیشە بەردەوام بووە لە داهێنان و ڕۆڵێكی ئەرێنی هەبووە لە بەرەو پێشبردنی ئاستی زانستی و ئەكادیمی و ێگەیاندنی خوێندكاری ئاست بەرزو بەرهەمداردا بەشێوەیەكی مۆدێرن، لە دواین هەنگاویشداو بە هەوڵی خەمخۆرانی زانست توانرا بیرۆكەی بە ئەلیكترۆنیكردنی سیستمی دڵنیایی جۆری بكاتە واقیع، كە بە دڵنیاییەوە ئەمەش بەرەو پێش چونێكی گەورەیە لە كایەی بەڕێوەبردنداو دەكرێت بە یەكێك لە سەروەرییەكانی زانكۆ ئەژماربكرێت.
 پاشان  سەرۆكی زانكۆ باسی لە گرنگی خزمەتەكان و ئەو ئاسانكارییانە كرد كە سیستمەكە پێشكەشی سەرجەم مامۆستایان و خودی زانكۆی سلێمانیشی دەكات.   
 پاشان دەستخۆشی لە بەڕێوەبەرو مامۆستایان و سەرجەم ستافی سیستمەكە كرد، كە ماندونەناسانە كارەكەیان بە ئەنجام گەیاندوە.
 
 سیستمی بە ئەلیكترۆنیكردنی دڵنیایی جۆری یەكێكە لە دەستكەوتە گرنگەكانی زانكۆی سلێمانی كە لە رێگەی ئەم سیستمە ئەلیكترۆنییەوە، هەموو مامۆستایەك ئەتوانێت لە هەرشوێنێك بێت مافی تۆماركردنی چالاكیەكانی ساڵانەی نەفەوتێت و ئەتوانرێ رۆژانە چالاكییە ئەكادیمییەكانی لە ئەكاونتی خۆی بكاتەوە كە كۆی لە ساڵەكەدا چالاك بووە، هەروەها ئەم سیستمە رۆڵێكی باشی هەیە لە پاراستنی ژینگە، بەبەراورد بەوەی كە پێشتر ئەم پرۆسەیە لەڕێگەی كاغەزو دەستنوسەوە ئەنجامدراوە، بەپێی ئەم سیستمەش سەرۆكایەتی زانكۆی سلێمانی و وەزارەتی خوێندنی باڵا چالاكییەكانی مامۆستایان بە شێوەیەكی ئەلەكترۆنی ئەبینن، كە ئەمەش  بۆ ریزبەندی نیشتمانی هەرێم و نێودەوڵەتی سەرەكی دەبێت بۆ باشكردنی ئاستی زانستی زانكۆی سلێمانی.
 

لە ڕێگەی ماڵپەڕی بەڕێوەبەرایەتی دڵنیایی جۆری زانكۆ دەتوانن سەرجەم ڤیدۆكانی تایبەت بە چۆنێتی بەكارهێنانی سیستمەكەو پركردنەوەی فۆرمی هەگبەی مامۆستا و زانستیخوازی بەردەوام و چۆنێیەتی هاوپێچكردنی دۆكیومێنتەكانیان ببینن.

بۆ داخڵ بوون بە سایتی تایبەت بە دڵنیای جۆری و زانستخوازی بەردەوام كلیك لەم لینكەی خوارەوە بكەن:

dtqa.univsul.edu.iq

 

 
 
 

 





 2018-06-10
 6562