ئەنجومەنی زانكۆی سلێمانی كۆبووەوە



ئەنجومەنی زانكۆی سلێمانی كۆبووەوە

 zanyar.fatah@univsul.edu.iq

ئەمڕۆ1-8-2018، ئەنجومەنی زانكۆی سلێمانی بەسەرۆكایەتی پڕۆفیسۆری یاریدەدەر دكتۆر رەزا حەسەن سەرۆكی زانكۆی سلێمانی و یاریدەدەرانی سەرۆكی زانكۆو ئەندامانی ئەنجوومەنی زانكۆ كۆبوونەوەی ئاسایی بەڕێوەبرد.

سەرەتای كۆبوونەوەكە پڕۆفیسۆری یاریدەدەر دكتۆر رەزا حەسەن سەرۆكی زانكۆی سلێمانی و سەرجەم ئەندامانی ئەنجومەن پیرۆزباییان لە دكتۆر كاوە كرد بە بۆنەی دەستبەكاربوونی وەك یاریدەدەری سەرۆكی زانكۆ بۆ كاروباری زانستی و هیوای سەركەوتنیان بۆ خواست لە كارەكانیدا.
هەر لەكۆبوونەوەكەدا گوێ لە نوێنەری خوێندكاران گیرا كە چەند داواكارییەكی خوێندكارانی گەیاندبووە ئەنجومەن و لەلایەن ئەندامانی ئەنجومەنەوە تاوتوێی داواكارییەكانی ئەو خوێندكارانە كرا.
دواتر گفتوگۆ لەسەر كێشەو گرفتەكانی مامۆستایانی كۆلێژەكان كراو لەلایەن ئەندامانی ئەنجومەنەوە تاوتوێی پێشنیارەكان كرا بۆ چارەسەركردنی ئەو كێشانە.
پاشان گفتوگۆ لەسەر كێشەو گرفتە ئیدارییەكان كراو پێشنیاری ئەندامانی ئەنجومەن لەو بارەیەوە تاوتوێكران، بۆ چارەسەركردنیان. 
    
 




 2018-08-01
 622