سەنتەری زمانی زانكۆی سلێمانی وۆركشۆپێكی بۆ ئەو مامۆستایانە سازكرد كە وانەی ئینگلیزی دەڵێنەوە



سەنتەری زمانی زانكۆی سلێمانی وۆركشۆپێكی بۆ ئەو مامۆستایانە سازكرد كە وانەی ئینگلیزی دەڵێنەوە

 zanyar.fatah@univsul.edu.iq

بەمەبەستی زیاتر بەرەوپێشبردن و برەودان بە ئاستی زانستی و شێوازەكانی وتنەوەی وانەی زمانی ئینگلیزی، سەنتەری زمان و كلتور لە زانكۆی سلێمانی وۆركشۆپێكی دوو رۆژی بۆ ئەو مامۆستایانەی كۆلێج و بەشەكانی زانكۆ سازكرد، كە پسپۆڕییان وانەی ئینگلیزی نییە، بەڵام ئەو وانەیە دەڵێنەوە،   هەروەها ئەو مامۆستایانەی كە وانەكانی تر دەڵێنەوە، بەڵام بەزمانی ئینگلیزی. 

وۆركشۆپەكە ماوەی دوو رۆژ دەخایەنێت و لەلایەن مامۆستای پسپۆڕو تایبەت بە وانەی ئینگلیزی دەوترێنەوەو تێدا شێوازەكانی وتەوەی وانەكان و سیستمی وتنەوەی وانەو گەیاندنی بابەتە زانستییەكان بە زامانی ئینگلیزی لەكاتی وانە وتەوەدا گفتوگۆی لەبارەوە دەكرێت، ئەمەش بە ئامانجی زیاتر برەودان و بەرزكردنەوەی ئاستی زانستی مامۆستایانە لە زانكۆی سلێمانی.
وۆركشۆپەكە بە ناوی (CLIL workshop )  ەو  لە بینای سەنتەری زمان لە كەمپی نوێی زانكۆی سلێمانی بەڕێوە دەچێت و ماوەی دوو رۆژ دەخایەنێت، رۆژانی 21 و 22 ی 10ی 2018.
 مامۆستایانی راهێنراو بۆ بەڕێوەبردنی وۆركشۆپەكە پێشتر لەلایەن كونسوڵخانەی ئەمریكا لە هەرێم لە رێگەی خولی تایبەتەوە راهێنانیان پێكراوەو ئامادەكراون.
 
  




 2018-10-21
 295