سەرۆكی زانكۆی سلێمانی سەردانی كۆلێجی پزیشكی ددانی كرد



سەرۆكی زانكۆی سلێمانی سەردانی كۆلێجی پزیشكی ددانی كرد

 zanyar.fatah@univsul.edu.iq

ئەمڕۆ 6-11-2018، پرۆفیسۆری یاریدەدەر د. رەزا حەسەن سەرۆكی زانكۆی سلێمانی بە یاوەری یاریدەدەرانی سەرۆكی زانكۆ، سەردانی كۆلێجی پزیشكی ددان-ی زانكۆی كرد، كە لەو سەدانەیدا بڕیاری كردنەوەی كلینیكێكی مۆدرێن و لقی زانستە بنەڕەتییەكانی لە كۆلێجی ددان دەركرد.

 هەرلەو سەردانەیدا پرۆفیسۆری یاریدەدەر د. رەزا حەسەن سەرۆكی زانكۆی سلێمانی، لەگەڵ راگرو مامۆستایانی كۆلێجی ددان كۆبووەوەو لە نزیكەوە گوێی لە كێشەو كەموكوڕییەكانی كۆلێجەكە گرت و وێڕای دەستخۆشی بەڵێنی چارەسەركردنی كێشەكانی پێدان و هیوای سەركەوتنی بۆ خواستن لە كارەكانیاندا، هەروەها سەرۆكی زانكۆ بڕیاری كردنەوەی كلینیكێكی مۆدرێن و لقی زانستە بنەڕەتییەكانی لە كۆلێجی ددان دەركردو شوێنی پێویستیشی بۆ ئەو مەبەستە بۆ دابینكردن.
هەر لەوبارەیەوە د. ئاراس رەوف راگری كۆلێجی پزیشكی ددان-ی زانكۆی سلێمانی  رایگەیاند: ئەمڕۆ پرۆفیسۆری یاریدەدەر د. رەزا حەسەن سەرۆكی زانكۆ  بەمەبەستی بەدواداچوونی كێشەو كەموكوڕییەكانی كۆلێج سەردانی كۆلێجەكەمانی كرد، بۆ ئەوەش سەرۆكی زانكۆ بڕیاریداوە دوو بینای نوێ بۆ كۆلێجەمان دابین بكات، كە یەكێكیان بۆ كردنەوەی كلینكێكی مۆدرێنە بۆ كۆلێج تا بتوانرێت بەشێوەیەكی باش خوێندكارەنمان تێیدا بخوێنن، هەروەها بۆ چارەسەركردنی نەخۆش لەو شوێنە، وتیشی: هەرلەو سەردانەیدا سەرۆكی زانكۆ بڕیاریداوە كە بینای دڵنیایی جۆری زانكۆ لەناو كەمپی كۆن، بكرێتە لقی زانستە بنەڕەتییەكان لە كۆلێجی ددان ، كە خوێندكارانمان بەشێوەیەكی زۆر باش لێی سودمەند دەبن.




 2018-11-06
 200