ئەنجوومەنی زانكۆ كۆبوونەوە



ئەنجوومەنی زانكۆ كۆبوونەوە

 kosar othman(kosar.amin@univsul.edu.iq)

 ئەمڕۆ12/5، ئەنجومەنی زانكۆی سلێمانی بە سەرۆكایەتی پرۆفیسۆری یاریدەدەر د. رەزا حەسەن سەرۆكی زانكۆی سلێمانی و یاریدەدەرریی سەرۆكی زانكۆو ئەندامانی ئەنجومەنی زانكۆ و نوێنەری مامۆستایان و خوێندكاران كۆبوونەوەی ئاسایی خۆی بەڕێوەبرد.

سەرەتا پڕۆفیسۆری یاریدەدەر دكتۆر رەزا حەسەن بەناوی ئەنجوومەنی زانكۆوە ئیدانەی ئەو كارە قێزەونیەی كرد كە بەرامبەر پڕۆفیسۆر دكتۆر كەمال ئەحمەد سەعید مامۆستای كۆلێژی پزیشكی زانكۆی سلێمانی كرا كە لە كاتی بینینی نەخۆش و لەشوێنی كارەكەی هەوڵی تیرۆر كردنی درا بۆیە داوای لەلایەنە پەیوەندی دارەكان كرد بەزووترین كات تاوانبارن بەسزای خۆیان بگەیەنن.
هەر لەو كۆبوونەوەیەدا سەرۆكی زانكۆی سلێمانی سوپاسی ئەندامانی ئەنجوومەنی زانكۆو مامۆستیان و فەرمانبەران و خوێندكارانی زانكۆی سلێمانی كرد كە بەهەوڵ و ماندوبوونی هەموو لایەك فێستیڤاڵی یادی یۆبیڵی زێڕینی 50ساڵەی زانكۆی سلێمانی سەرەڕای هەبوونی بەربەست و ڕێگر بەسەركەوتوویی بەڕێوەچوو ،وتیشی فێستیڤاڵێكی وەها گەورە حەتمەن بێ كەموكوڕی بەڕێوە ناچێت لای خۆیەوە سەرۆكی زانكۆی سلێمانی داوای لێبووردنی لەهەموو ئەو كەس و لایەنانە كرد كە لەفێستیڤاڵەكەدا بێ مەبەست ناویان نەهاتووە كە پیویست بووناویان بهێنرێت یان شكۆنامەیان پێشكەش بكرێت.
لەبەشێكی تری كۆبوونەوەكەشدا سەرۆكی زانكۆی سلێمانی بڕیاریدا بەبڵاوكردنەوەی كتێبێك كە هەموو چالاكی و وێنەكانی یادی یۆبیڵی زێڕینی 50 ساڵەی زانكۆی سلێمانی لەخۆ بگرێت .
بەشێكی تری كۆبوونەوەی ئەنجوومەنی زانكۆی سلێمانی تایبەت بوو بەئاهەنگی دەرچوونی خوێندكارانی زانكۆی سلێمانی كە وابڕیارە لەم مانگەدا بەڕێوەبچێت و خولەكەش ناوبنرێت خولی یۆبیلی زێڕین.
لەكۆتایشدا سەرۆكی زانكۆی سلێمانی باسی لەوەكرد كە بەسوپاسەوە بەهەوڵ و هیمەتی یاریدەدەری سەرۆكی زانكۆی سلێمانی بۆ كاروباری خوێندكاران و بەشی صیانەو پاككردنەوە گرفتی سەرجەم بەشە ناوخۆییەكان چارەسەركراوە داواشی كرد لیژنەیەك دروست بكرێت بۆ پاك و خاوێن ڕاگرتنیان.  

 

 





 2018-12-05
 602