پرسەنامەی سەرۆکایەتی زانکۆی سلێمانی بۆ کۆچی دوایی پرۆفیسور د. عەزیز ئەحمەد ئەمین



پرسەنامەی سەرۆکایەتی زانکۆی سلێمانی بۆ کۆچی دوایی پرۆفیسور د. عەزیز ئەحمەد ئەمین

 kosarothman(kosar.amin@univsul.edu.iq)

 بەڕێزان خانەوادەی خوالێخۆشبوو پرۆفیسور د. عەزیز ئەحمەد ئەمین

     

     بەداخ وکەسەرێکی زۆرەوە هەواڵی کۆچی دوایی بەرێز پرۆفیسور د. عەزیز ئەحمەد ئەمین- مان بیست، بەم بۆنەیەوە پرسە و سەرەخۆشی خۆمان ئاراستەی ئێوەی بەڕێز و کەس وکار و بنەماڵەکەتان ، وهاورێ و هاوکارانی لە زانکۆی سلێمانی دەکەین و خۆمان بە هاوبەشی خەمتان دەزانین.

پرۆفیسور د.(عەزیز ئەحمەد ئەمین) ساڵانێکی زۆر لە تەمەنی ئەکادیمی و زانستی لەرێگەی وانەبێژی و توێژینەوەی زانستییەوە بۆ خزمەتکردنی زانکۆی سلێمانی تەرخانکرد ئەسەفێکی زۆرە کە ئەمرۆ دوا ماڵئاوایمان لێدەکات. کۆچی دوایی ئەم پرۆفیسورەی بواری کیمیا خەسارەتێکی مەزنە لە رەوتی بەرەوپێشبردنی زانست و پێشکەوتخوازی لە دامەزراوەکانی خوێندن و فێربوون لە هەرێمی کوردستان بە تایبەت زانکۆی سلێمانی .

 هیواخوازین هاوخەمیی ئێمە لە زانکۆ ، و مامۆستایان و فەرمانبەران و خوێندکارانی کۆلێجی زانست ببێتە مایەی دڵنەوایی و سەبووریتان و کەمێک لە خە م و پەژارەتان کەم بکاتەوە.

لەخودای گەورە داواکارین گیانی د. عەزیز بەبەهەشتی بەرین شاد بکات وئارامی هەموو لایەک بداتەوە. انا لله وانا الیه راجعون. 

 

 

                                                          پرۆفیسوری یاریدەدەر                                                                 

                                                                 د.رەزا حەسەن
                                                       
 سه‌رۆكی زانكۆی سلێمانی

 

 





 2018-12-05
 322