ئەنجوومەنی زانكۆ كۆبوونەوە



ئەنجوومەنی زانكۆ كۆبوونەوە

 kosar othman(kosar.amin@univsul.edu.iq)

 ئەمڕۆ12/12، ئەنجومەنی زانكۆی سلێمانی بە سەرۆكایەتی پرۆفیسۆری یاریدەدەر د. رەزا حەسەن سەرۆكی زانكۆی سلێمانی و یاریدەدەرانی سەرۆكی زانكۆو ئەندامانی ئەنجومەنی زانكۆ كۆبوونەوەی ئاسایی خۆی بەڕێوەبرد.

لەو كۆبوونەوەیەدا سەرۆكی زانكۆی سلێمانی باسی لە مەراسیمی بەخشینی خەڵات و رێزلێنان بۆ 22 توێژەری زانکۆکانی کوردستان كرد كە وەزارەتی خوێندنی باڵاو توێژینەوەی زانستی لە مەراسیمێکدا بۆ یەکەمین جار توێژەری ساڵی دیاریکراو (22) توێژەری زانکۆکانی هەرێمی کوردستان خەڵات و رێزلێنانی وەزارەتیان پێشکەشکرا کە یەک لەسەر سێی توێژەرەکان لە زانکۆی سلێمانی بوون .

پرۆفیسوری یاریدەردەر د.رەزا حەسەن سەرۆكی زانكۆی سلێمانی كە دوێنێ لەو مەراسیمەدا ئامادەبوو  بەناوی ئەنجوومەنی زانكۆوە پیرۆزبایی لە زانكۆی سلێمانی كرد بۆ ئەم سەركەوتنە گەورەیەو دەستخۆشی لە توێژینەوەرانی زانكۆ كرد بۆ بڵاوكردنەوەی توێژینەوەكانیان لە گۆڤارە زانستییە ئاستبەرزو باوەڕپێکراوەكان، ئەمەش بۆتە هۆی بەرزكردنەوەی ریزبەندی زانكۆی سلێمانی لەسەر ئاستی جیهان، وتیشی وەكو زانكۆی سلێمانی رێزلێنانێك بۆ توێژینەوەرانی زانكۆی سلێمانی ڕێكدەخەین و هەوڵ و ماندووبوونەكانیان بەرز دەنرخێنین.

لەبەشێكی تری كۆبوونەوەكەشدا باس لەوەكرا كە ڕۆژی 17ی ئەم مانگە ڕۆژی ئاڵایە هەر بۆیە زانكۆی سلێمانی لەو ڕۆژەدا مەراسیمێكی شایستە ڕێكدەخات و تێیدا گەورەترین ئاڵا هەڵدەكەن و لەداهاتووشدا سیمینارێكی زانستی لەسەر ڕەنگ و شێوەو قەبارەی ئاڵای كوردستان ڕێكدەخەن.





 2018-12-12
 832