پیرۆزبایی سەرۆكایەتی زانكۆی سلێمانی بەبۆنەی هاتنی ساڵی نوێی زاینییەوە



پیرۆزبایی سەرۆكایەتی زانكۆی سلێمانی بەبۆنەی هاتنی ساڵی نوێی زاینییەوە

 zanyar.fatah@univsul.edu.iq

بەبۆنەی هاتنی سەری ساڵی نوێی زاینیەوە، سەرۆكایەتی زانكۆی سلێمانی پیرۆزباییەكی گەرم ئاڕاستەی  مامۆستایان و فەرمانبەران و خوێندكارانی ئازیزی زانكۆی سلێمانی دەكات، كە ئەمە دەقەكەیەتی:

بروسكەی پیرۆزبایی سەرۆكی زانكۆی سلێمانی بەبۆنەی سەری ساڵی نوێی زاینیەوە مامۆستایان ، فەرمانبەران ،و خوێندكارانی ئازیزی زانكۆی سلێمانی بەبۆنەی هاتنی ساڵی نوێی زاینییەوە، گەرمترین پیرۆزبایتان ئاراستەی دەكەم، رێگەم بدەن بە ناوی ئێوەشەوە پیروزباییەكی گەرم لە خانەوادەی شەهیدان وپێشمەرگە هێزە ئەمنییەكان ،هەروەها لە خانەوادەی ئەو مامۆستا و فەرمانبەرو خوێندكارانە بكەین كە ئەمسال بەجێیان هێشتین و ماڵئاواییان كرد. هیوادارین ساڵی تازە ساڵی بە دیهاتنی ئامانجەكانی گەلەكەمان ئاشتی و پێكەوە ژیانی گەلانی ناوچەكە و خۆشگوزەرانی بۆ هەموو گەلانی جیهان بێت. ئێمە لە كاتێكدا پێشوازی لە ساڵی تازە دەكەین كە زانكۆی سلێمانێ تاجی زێرینی پەنچا ساڵەی تەمەنی لەسەر دادەنێت . نیو سەدەی پڕ لە شانازی و دەستكەوتی مەعریفی و خەباتگێری بۆ خۆی تۆماردەكات هەر بۆیە ئەمساڵ لە رێورەسمێكدا شایستە دا شكۆی مێژووكەی بەرز راگیرا . هاتنی ساڵی تازە لە كاتێكدا كە ئەمساڵ ئاستی زانستی زانكۆكەمان سەرەڕای ئاستەنگ و لەمپەری زۆرەوە بەرزترین ئاستی تۆماركرد ، لە سەرجەم نێوەندەكانی هەڵسەنگاندنی ئاستی زانستی و ریزبەندیكردنی زانكۆكاندا لە ئاستی نێودەوڵەتی ، هەرێمایەتی و ناوخۆییش دا ئاستی زانكۆی سلێمانی لە هەڵكشانی بەردەوام دابوو ، لە دوایین ریزبەندی زانكۆكاندا لە هەر یەكە لە وێبۆمەتریكس ، كیو ئێس ، ریزبەندی نیشتمانی وەزارەتی خوێندنی باڵای حكومەتی هەرێمی كوردستان پێشەنگە و لەسەر ئاستی كوردستان پلەی یەكەمی بەدەست هێنا. دەستكەوت و شانازییەكانی ئەمساڵی زانكۆمان زۆر زۆرن كە هەموویان بەری رەنج و ماندوونتانە و ئاستی زانستی زانكۆكەمانی گەیاندووە ئاستێكی باڵا كە لە سەر ئاستی وڵاتانی جیهانی دەبێتە نموومەت باشترین زانكۆكانی ناوچەكە بەردەوام پەیوەندی ئەكادیمی و لێكتێگەیشتننامەی زانستی لەگەڵ زانكۆ جیهانییەكان دەبەستێت. ئومێدیشمان وایە ساڵی داهاتوو، بە هەوڵ و هیمەتی ئێوە ساڵی بەرەوپێش چوون و گەشەی زیاتر رەوتی زانستی و ئەكادیمیا بێت لەپێناو زیاتر خزمەتكردنی نیشتمان و بەدیهێنانی ژیانێكی سەردەمیانە بە هەموو رەهەندەكانی ژیاندا.
‎دووبارە ساڵی نوێتان پیرۆزبێت..
       
         ‎پ.ی. ‎د. رەزا حەسەن
       ‎سەرۆكی زانكۆی سلێمانی
 




 2018-12-31
 230