ئەنجوومەنی زانكۆ كۆبوونەوەو پشووی نەورۆزیشیان دیاریكرد



ئەنجوومەنی زانكۆ كۆبوونەوەو پشووی نەورۆزیشیان دیاریكرد

 kosar othman(kosar.amin@univsul.edu.iq)

 ئەمڕۆ 3/15 ئەنجوومەنی زانكۆی سلێمانی بە سەرۆكایەتی پرۆفیسۆری یاریدەدەر دكتۆر رەزا حەسەن سەرۆكی زانكۆی سلێمانی حەڤدەهەمین كۆبوونەوەی ئاسایی خۆی بۆ ساڵی خوێندنی 2016-2017 ئەنجامدا.

لەو كۆبوونەوەیەدا كە یاریدەدەرانی سەرۆكی زانكۆ و ئەندامانی ئەنجوومەنی زانكۆی سلێمانی ئامادەیبوون چەندین تەوەر خرانە ڕوو گفتوگۆیان لەبارەوەكرا.

سەرەتای كۆبوونەوەكە تایبەت كرابوو بە كاروباری خوێندكاران و كێشەو گیروگرفتەكانیان لەلایەن نوێنەری خوێندكاران خرایە ڕوو ، پاشان سەرۆكی زانكۆی سلێمانی بەڵێنی دا بەپێی توانا كێشەو گیروگرفتەكانیان بۆ چارەسەر بكات هەروەها ڕاشیگەیاند كە لەمساڵدا نەيانهێشتووە بەهیچ شێوەیك خوێندكار لەبەشە ناوخۆییەكاندا كێشەو گیروگرفتی هەبێت و هەموو پێداویستیەكانيان بۆ دابین كردوون، سەبارەت بەو 100 هەزارەی كە لەبەرامبەر وەرگرتنی بەشی ناوخۆیدا لەخوێندكارانی وەردەگرن: دكتۆر رەزا وتی تا نەبێتە بارگرانی بۆ خوێندكاران ئەو پارەیە بە چوار جار لە خوێندكاران وەردەگیرێت.

لەبەشێكی تری كۆبوونەوەكەشدا پرۆفیسۆری یاریدەدەر دكتۆر رەزا حەسەن و ئەندامانی ئەنجوومەن سوپاسی ئەو خوێندكارانەیان كرد كە بەشداری لە هەڵمەتی پاكردنەوەی زانكۆدا دەكەن و هیوایان خواست كە بەردەوام بن بۆ پاك و خاوێن ڕاگرتنی زانكۆكەیان،سەبارەت بە شووی نەورۆزیش دكتۆر ئاراس زەینەڵ یاریدەدەری سەرۆكی زانكۆ بۆ كاروباری خوێندكاران وتی ئەو پشووە زانكۆ خۆی دەست نیشانی دەكات و لەڕۆژی 3/18بۆ3/23 پشوی نەورۆزەو بەشە ناوخۆییەكان لەو ڕۆژەدا دادەخرێن .

هەر لە و كۆبوونەوەیەدا بانگهێشتی بەڕێوەبەری بەڕێوبەرێتی تەكنەلۆجیای زانیاری و ئامار دكتۆر ئەیسەر عەبدولخالق كرا تا لەنزیكەوە گوێبیستی كێشەو گیرو گرفتەكانیان بن چونكە ئەو بەڕێوبەرێتییە بەبەشێكی گرنگی زانكۆی سلێمانی وەسفدەكرێت، لەسەرەتادا دكتۆر ئەیسەر وتی پێم خۆشە باس لە داهاتوی ئەو بەرَێوبەرێتیە بكەم كە دەورێكی گرنگی دەبێت لەپێشخستنی زانكۆدا و هەوڵ بدەین كارو چالاكیەكانمان هەر لەناو زانكۆدا نەبێت بەڵكو ببێتە دامەزراوەیەك كە كار بۆ فەرمانگەكانی دەرەوەی زانكۆ بكەن و ببنە مەصدەرێكی دەستكەوتی دارایی باش بۆ زانكۆ ‘هەروەها باسی لی وێب سایتی زانكۆی سلێمانی كرد و وتی كە رانكینی سایتەكە لەئاستێكی زۆر باشدایە و هەوڵ دەدەن باشتری بكەن هەروەها باسی لەهەندێك كێشەو گیرو گرفتیش كرد كەبڕیاردرا چارەسەر بكرێ  هەر لەو كۆبوونەوەشدا بڕیاردرا كە بەپێی توانا كامێراكانی زانكۆ سیستەمێكی مەركەزی بۆ دابنرێت ولەڕووی سكیوریتیەوە گرنگی زیاتری پێبدرێت، لای خۆشیانەوە ئەندامانی ئەنجوومەن رەخنەو تێبینیەكانیان خستەڕوو بۆ بەرەو پێشبردنی زیاتری ئەو بەڕێوبەرێتییەو دكتۆر ئەیسەریش پێڕاگەیاندن كە هەوڵی چارەسەر كردنی دەدەن، جێی باسە ئەو بەڕێویەرێتیە لە 5 بەش پێكهاتووە ئەوانیش(ئایتی ،ئایدی كارد،وێب سایت، نیتۆرك، ئامار)هەر لەو كۆبوونەوەدا بڕیاردرا كە لەهەر كۆبوونەوەیەكی ئەنجوومەندا یەكێك لە بەڕێوبەرەكانی بەڕێوبەرێتییەكانی زانكۆ بانگهێشت دەكەن تا لەنزیكەوە گوێبیست كێشەو داخوازییەكانیان بن.

 

 





 2017-03-15
 833