لە زانكۆی سلێمانی پێشانگایەك بۆ خوێندكارانی بەشی تەلارسازی-فاكەڵتی ئەندازیاری كرایەوە



لە زانكۆی سلێمانی پێشانگایەك بۆ خوێندكارانی بەشی تەلارسازی-فاكەڵتی ئەندازیاری كرایەوە

 shna.amin@univsul.edu.iq

سەرلەبەیانی ئەمڕۆ5/14 بە ئامادەبوونی پڕۆفیسۆری یاریدەدەر دكتۆر ڕەزا حەسەن سەرۆكی زانكۆی سلێمانی و دكتۆر ئاسۆ رەووف ڕاگری فاكەڵتی ئەندازیاری  و دكتۆر عەبدولڕەحمان سەرۆكی بەشی تەلارسازی و بە بەشداری مامۆستایان و خوێندكارانی فاكەڵتییەكە لە زانكۆی سلێمانی پێشانگایەكی زانستی لە بواری تەلارسازیدا بۆ خوێندكارانی بەشی تەلارسازی فاكەڵتی ئەندازیاری كرایەوە.

سەرۆكی زانكۆی سلێمانی دەستخۆشی لە ڕاگر و مامۆستا و خوێندكارەكانی بەشی تەلارسازی كرد و هیوای سەركەوتن و كاری باشتری بۆ خواستن لە پای ئەو كارانەی كە كردوویانە و لەو پێشانگایەدا نمایشیانكردوو و ووتی: كارەكان زۆرباش دیزاین كراون كە ئەمەش بێگومان دەتوانرێت لە دروستكردنی پڕۆەدا سودێكی زۆر لە بیرۆكەكانیان وەربگیرێت.

ئەحمەد قادر ئەحمەد ئەندامی سەرپەرشتیاری پێشانگاكە لە لێدوانیكیدا بۆ سایتی زانكۆ ووتی: ئەم پێشانگایەی بەشی تەلارسازی پێشانگایەكی ساڵانەیە و هەموو ساڵێك لەم وەرزەدا و لەكۆتا مانگەكانی خوێندندا بە مەبەشتی پیشاندانی كاری ئەو ساڵەی خوێندكارەكان بە هاوكاری مامۆستایان لە هەر پێنج قۆناغەكەدا دەكرێتەوە، چونكە بە درێژایی ساڵ خوێندكارەكان كار لەسەر كۆمەڵێك پڕۆژە دەكەن بەپێی ئاستەكانیان واتە هەر لە قۆناغی یەكەوە تادەگاتە دوا قۆناغ كە چوارە، ڕاشیگەیاند: لە پێشانگاكەدا كاروپڕۆژەكانی خوێندكاران لە سێ هۆڵدا نمایشدەكرێت كە هەر هۆڵێكیان تایبەتە بە كارێی فۆناغێكی خوێندن كە بە شێوەیەكی زۆر باش كارەكان كراوە  لە ڕووی سێكشن و مەنزور و مۆدێلەوە.

لە درێژەی لێدوانەكەیدا ئەو ئەندامەی ڕێكخەری پێشانگاكە ئاماژەی بەوەشدا: كە كردنەوەی ئەم پێشانگایە دوو ڕۆژ دەخایەنێت و  چەند ئامانجێكی هەیە، هاندانێكە بۆ خوێندكاران تا بزانن ئەو كارانەی كە دەیكەن لە ماوەی ئەو ساڵەی خوێندندا وون نابێت بەڵكو نمایشدەكرێت و خەڵكانی دیكە و خانەوادە و  كەسانی بەرپرس و خوێندكارەكانیكەش دەیانبینن كە لایەنێكی ئارام بە خوێندكارەكانمان دەبەخشێت، وە ئامانجێكی تر ئەوەیە لایەنە پەیوەندیدارەكان و ئەوانەی كە لە خەمی میللەت و ووڵات و لایەنی ئەندازیاری و تەلارسازیدان لەم ڕێگەیەوە دەزانن كە خوێندكارانی تەلارسازی لەچ ئاستێكی پێشكەوتوو باشدان كە دەتوانرێت لەم بوارەدا سودێكی باشیان لێوەربگیرێت.  

 





 2017-05-14
 402