ئەنجوومەنی زانكۆ كۆبوونەوەو كاتی تاقیكردنەوەكانی كۆتایی ساڵیان دیاریكرد



ئەنجوومەنی زانكۆ كۆبوونەوەو كاتی تاقیكردنەوەكانی كۆتایی ساڵیان دیاریكرد

 kosar othman(kosar.amin@univsul.edu.iq)

 ئەمڕۆ 5/17 ئەنجوومەنی زانكۆی سلێمانی بەسەرۆكایەتی پڕۆفیسۆری یاریدەدەر دكتۆر رەزا حەسەن سەرۆكی زانكۆی سلێمانی و  بە ئامادەبوونی یاریدەدەری سەرۆكی زانكۆ و ئەندامانی ئەنجوومەن كۆبوونەوەی ئاسایی خۆی بۆ ساڵی خوێندنی 2016-2017 لەهۆڵی كۆبوونەوەكانی ئەنجوونی زانكۆ بەست.

سەرەتای كۆبوونەوەكەش دانانی ڕێنمای تایبەت بوو بۆ نوسینگە ڕاوێژكارییەكان و ئەو پارەی كە وەری دەگرن، هەروەها باسی ئەو 100 هەزارەش كرا كە لەبەرامبەر بەشە ناوخۆییەكان لەخوێندكارانی دەرەوەی شار وەردەگیرێت داوا كرا كە لەڕێگەی كەفیلی خوێندكارەكانەوە ئاگاجدار بكرێنەوەو ڕێوشوێنی یاساییان لەگەڵدا بگیرێتە بەر.

هەر لەو كۆبوونەوەیەدا باسی كاتی تاقیكردنەوەكانی كۆتایی ساڵ كراو بڕیاردرا لەسەرەتای مانگی داهاتووەوە دەست بە تاقیكردنەوەكانی كۆتایی ساڵ بكرێت بەجۆرێك پێش هاتنی جەژنی رەمەزان سەرجەم كۆلێژەكان كۆتای بە تاقیكردنەوەكان بێنن .

سەرۆكی زانكۆی سلێمانی باسی لەوەشكرد كە لە وەزارەتی خوێندنی باڵاوە بۆردی ئەنجوومەنی توێژینەوەی كوردستان دروست بووە كە پشتگیری ماددی هەموو توێژینەوەیەكی باش دەكرێت كە لەمەودوا ئەنجامبدرێت ، هەر بۆ ئەو مەبەستەش داوای لەڕاگرەكان كرد كە مامۆستایان ئاگادار بكەن لەسەر ئەو بابەتە یان هەر توێژەرێك كە فكرەی توێژینەوەیەكی باشی هەیە.

لەبەشێكی تری كۆبوونەوەكەشدا  باس لەهاتنی نوسراوێك كرا كە لەلایەن كۆمیسیۆنی باڵای هەڵبژاردنەكانەوە نێردراوە ،داواكراوە كە وا سەرۆكایەتی زانكۆ هاوكارییان بكەن تا مامۆستایان و فەرمانبەران كارتی دەنگدان دروست بكەن بەجۆرێك كە كۆمیسۆنی باڵا تیمێكی تایبەت دەنێرنە زانكۆی سلێمانی بۆ دروستكردنی ئەو كارتە،جگە لەوەش باسی ئەوەكرا كە ڕۆژی 5/24 گەورە بیرمەندی فەڕەنسی ئالان تورین دێتە كوردستان و زانكۆی سلێمانیشی هەڵبژاردووە كە سیمینارێك لەسەر فەلسەفەی كۆمەڵایەتی ئەنجامبدات.





 2017-05-17
 715