سه‌رۆكی زانكۆی سلێمانی سوپاسی مامۆستایان و فه‌رمانبه‌ران و خوێندكارانی زانكۆی سلێمانی ده‌كات



سه‌رۆكی زانكۆی سلێمانی سوپاسی مامۆستایان و فه‌رمانبه‌ران و خوێندكارانی زانكۆی سلێمانی ده‌كات

 kosarothman(kosar.amin@univsul.edu.iq)

ماۆستایان ، فەرمانبەران و خوێندكارانی خۆشەویستی زانكۆی سلێمانی
ئەمڕۆ زانكۆی سلێمانی بە ئامادەبوون و بەشداری بەرێزتان ، مەڕاسیمێكی پێشوازیكردن كە هەرچەند لە ئاست گەورەیی خزمەت و خەباتی مامی گەورەمان كەمە بەڵام بۆ دەربڕینی وەفا و دڵسۆزیتان بۆ ئەو سەركردەی كە زیاتر لە نیو سەدە لە تەمەنی بۆ خزمەتكردنی گەلەكەمان تەرخانكردووە شان بە شانی كۆمەڵانی خەڵكی كوردستان لە پێشوازی كەژاوەی بەرێكردنی تەرمی پیرۆزی سەرۆك مامجەلال دابوون بۆ دوا ئارامگەی خۆی لە دەباشان.

 

لێرەوە سۆپاسی یەكە بە یەكەی ئەو مامۆستا و فەرمانبەر و خوێندكارانە دەكەم كە گەرچی ئەمڕۆ لە پشووشدا بوون لە پێشوازی گەیشتنی كەژاوەی تەرمی پیرۆزی سەرۆك مام جەلال دابوون كە نیشانەی ئەمەك و وەفاداریتانە بۆ ئەو خەبات و تێكۆشینەی سەرۆ مام جەلال بۆ بەدەستهێنانی مافە رەواكانی گەلی كورد و بەدیهێنانی ئاشتی و دیمۆكراسی و ئازادی بۆ تەواوی گەلانی عیراق.

پڕوفیسۆری یاریدەدر
د. ڕەزا حەسەن
سەرۆكی زانكۆی سلێمانی

 

 





 2017-10-06
 908