لەرێورەسمێكی شایستەدا چلەی ماتەمینی مێژوونووس و گەریدەی گەورەی كورد كەریم زەند بەڕێوەچوو



لەرێورەسمێكی شایستەدا چلەی ماتەمینی مێژوونووس و گەریدەی گەورەی كورد كەریم زەند بەڕێوەچوو

 zanyar.fatah@univsul.edu.iq

ئەمڕۆ 9-11-2017، بە ئامادەبوونی ژمارەیەكی بەرچاو لە بەرپرسانی حكومی و حزبی و رۆشنبیران و بنەماڵەو كەسوكاری  خوالێخۆشبوو، لە هۆڵی راپەرینی زانكۆی سلێمانی چلەی ماتەمینی مێژوونووس و گەریدەی گەورەی كورد كەریم زەند بەڕێوەچوو.

رێو رەسمی چلەی ماتەمینی گەریدەو مێژوونووسی گەورەی كورد (كەریم زەند) لەسەر ئەركی سەرۆكایەتی زانكۆی سلێمانی و بە هاوكاری كۆلێجی زانستە مرۆڤایەتییەكانی زانكۆی سلێمانی ئەنجامدرا.
سەرەتای رێورەسمەكەش بە وەستانی ساتێك بە بێ دەنگی بۆ رۆحی شەهیدانی كوردو كوردستان دەستی پێكرد، پاش بەخصرهاتنی ئامادەبوان وتاری پرۆفیسۆری یاریدەدەر د. رەزا حەسەن حسین سەرۆكی زانكۆی سلێمانی بۆ یادی چلەی مێژونووسی گەورەی كورد كەریم زەند خوێندرایەوە كەتێدا باس لەو هەوڵ و ماندوبوون و بەدواداچوون و خزمەتانەكرا كە خوالێخۆشبوو بە مێژوو جوگرافیاو بواری ئەدەبی و رۆشنبیری و پەروەردەیی و ئەكادیمی كوردی كردوە.
دواتر بەكورتی مێژووی ژیانی كەریم زەندو ئەو كاروبەرهەمانەی ئەو نووسەرە گەورەیە خرانەڕوو، لە خۆنەویستی و خزمەتگەیاندن بە بواری مێژوو جوگرافیاو ئەدەب و پەروەردەی كوردی كە سەرجەمی ژیانی بۆ تەرخان كردبوو، هەروەها فیلمێكی دیكۆمێنتاری لەسەر ژیان و بەرهەمەكانی ئەو نوسەرە گەورەیەی كورد نمایشكرا، كەتێیدا بەكورتی باس لە ژیان و بەرهەموو خزمەتە گەورەكانی كەریم زەندی دەكرد.
هەرلەدرێژەی مەراسیمەكەدا بنەماڵەو چەند هاورێیەكی نزیكی كەریم زەند باسیان لە گەورەیەی و خۆنەویستی و قوربانییەكانی ئەو نوسەرە گەورەیەی كورد كرد كە هەموو ژیانی بۆ خزمەتكردنی گەلەكەی سەرفكردوە.
كۆتایشدا وێرای دووبارە سوپاسكردنی ئامادەبووان، سەرجەم ئەو بروسكەی سەرەخۆشیانە خوێندرانەوە كە لەلایەن بەرپرسانی حزبی و حكومی و نوسەران و رۆشنبیران و رێكخراوەكانەوە ئاڕاستەی بنەماڵەی خۆلێخۆشبوو كەریم زەند كرابوون.

‎کەریم زەند ساڵی ١٩٢٤ لە سلێمانی لە دایکبووە.

‎خوێندنی ئاینی و سەرەتایی و ناوەندی لە سلێمانی تەواوکردووە و ساڵی ١٩٤٤ خانەی مامۆستایانی بەغدای تەواوکردووە.

‎ساڵی ١٩٤٦ بەشداری لە کۆماری کوردستان کردووە.

‎لەدوای ڕووخانی کۆماری کوردستان لە مهاباد چووتە یەکێتی سۆڤیەت.

‎خاوەنی دەیان کتێبە لە بوارەکانی مێژوو، جوگرافیا و بابەتی دیکەدا.

‎کتێبی "تۆماری تەمەن" کە لە (٥) بەرگ پێکهاتووە باس لە جوگرافیا و شێوەزاری میللەتانی کوردستان دەکات.

‎یەکەم کەسە کە کتێبی ئینجیلی کردووەتەوە کوردی.

‎کاتژمێر ١٠ ی بەیانی ڕۆژی ١٠-١٠ ئەمساڵ لە ماڵەکەی خۆیدا لە شاری سلێمانی بەهۆی نەخۆشییەوە کۆچی دوایی کرد.

   
  
 




 2017-11-09
 225