وەفدێكی پەیمانگای زانستە پێشكەوتووەكانی شاری زنجانی ئێران سەردانی زانكۆی سلێمانیان كرد



وەفدێكی پەیمانگای زانستە پێشكەوتووەكانی شاری زنجانی ئێران سەردانی زانكۆی سلێمانیان كرد

 zanyar.fatah@univsul.edu.iq

ئەمڕۆ 20-5-2018، وەفدێكی پەیمانگای زانستە پێشكەوتووەكانی شاری زنجانی ئێران سەردانی زانكۆی سلێمانیان كردو لەلایەن پڕۆفیسۆری یاریدەدەر دكتۆر رەزا حەسەن حسێن سەرۆكی زانكۆی سلێمانی و ژمارەیەك لە ئەندامانی ئەنجومەنی زانكۆوە پێشوازیان لێكرا.

سەرەتا پڕۆفیسۆری یاریدەدەر دكتۆر رەزا حەسەن حسێن سەرۆكی زانكۆی سلێمانی بە گەرمی پێشوازی لە وەفدی میوان كردو كورتە باسێكی لەسەر  زانكۆی سلێمانی و پەیوەندییە ئەكادیمییەكانی لەگەڵ زانكۆكانی جیهان باسكرد لەنێویاندا زانكۆكانی وڵاتی ئێران كە پەیوەندییەكی پتەویان هەیە لەگەڵ زانكۆی سلێمانی.
دواتر لە كۆبوونەوەیەكدا گفتوگۆ لەسەر پتەوكردنی پەیوەندییە ئەكادیمییەكانی زانكۆی سلێمانی و پەیمانگای زانستە پێشكەوتووەكان لە شاری زنجانی ئێران كرا.
وەفدی میوان تەئكیدیان لە پتەوكردنی پەیوەندییە ئەكادیمییەكانی نێوان زانكۆی سلێمانی و پەیمانگای زانستەپێشكەوتووەكان لە شاری زنجان كردەوە، كە مەبەستی سەرەكی سەردانی وەفدەكەیە، هەروەها گۆڕینەوەی بیروڕاو زانیاری لە نێوان زانكۆی سلێمانی و پەیمانگای زانستە پێشكەوتووەكان لە شاری زنجانی ئێران.
وەفدی پەیمانگای زانستە پێشكەوتووەكان لە شاری زنجان پێكهاتبوون لە پڕۆفیسۆر بابەك كەریمی سەرۆكی وەفد، هەروەها ئەندامان پڕۆفیسۆر رەشید زاری نیهادی، پڕۆفیسۆر سعید ئیمیدی، پڕۆفیسۆر حوسێن حاجی، پڕۆفیسۆر مهناز رەزاین، موحسین ئەمیر.
 
  
 




 2018-05-20
 540