ئەنجوومەنی زانكۆی سلێمانی كۆبوونەوە



ئەنجوومەنی زانكۆی سلێمانی كۆبوونەوە

 kosar othman(kosar.amin@univsul.edu.iq)

  

 ئەمڕۆ5/30، ئەنجوومەنی زانكۆی سلێمانی بە سەرۆكایەتی پڕۆفیسۆری یاریدەدەر دكتۆر رەزا حەسەن حسێن سەرۆكی زانكۆی سلێمانی و یاریدەدەرانی سەرۆكی زانكۆو ئەندامانی ئەنجومەنی زانكۆ (18)ەمین كۆبوونەوەی ئاسایی خۆی بۆ ساڵی خوێندنی 2017-2018 لە هۆڵی كۆبوونەوەكانی زانكۆی سلێمانی ئەنجامدا.

لەو كۆبوونەوەیەداسەرۆكی زانكۆی سلێمانی باسی لەڕووداوی ئاگر كەوتنەوەی بەشی ناوخۆیی  (BD3) كرد كە شەوی 5/26 ڕویداو ووتی خۆشبەختانە رووداوەكە هیچ زیانێكی گیانی نەبووە ، چونكە ئەو باڵەخانەیەی بەشی ناوخۆی لە دوای رووداوی ئاگر كەوتنەوەكەی ساڵی پار چۆل كراوە و هیچ خوێندكارێكی لێنەبووە،بەڵام زیانی مادی زۆری پێگەیشتووە هەر بۆ ئەو مەبەستە لیژنەیەكی لێكۆڵینەوەمان پێكهێناوە بۆ زانینی ڕوداوی ئاگر كەوتنەوەكە،هەروەها سوپاسی ڕاگرەبەڕێزەكانیشی كرد كە لەشەوی كەوتنەوەی ئاگرەكە زۆربەیان لەشوێنی ڕوداوەكە ئامادەبوون.

هەر لەو كۆبوونەوەیەشدا باس لەچۆنیەتی و شێوازی تاقیكردنەوەكانی كۆتایی ساڵ كرا كە لەئێستادا بەڕێوە دەچێت، دواتریش چەند بڕگەیەكی زانستی باس كرا و ڕاو بۆچوونەكانی لەبارەوە خرانە ڕوو.

 

 





 2018-05-30
 473