پیرۆزبایی سەرۆكی زانكۆی سلێمانی بەبۆنەی جەژنی رەمەزانی پیرۆزەوە



پیرۆزبایی سەرۆكی زانكۆی سلێمانی بەبۆنەی جەژنی رەمەزانی پیرۆزەوە

 zanyar.fatah@univsul.edu.iq

بەبۆنەی هاتنی جەژنی رەمەزانی پیرۆزەوە، سەرۆكی زانكۆی سلێمانی پەیامێك بڵاودەكاتەوە كە ئەمە دەقەكەیەتی: بەناوی پەروەردگاری بەخشندە و میهرەبان بەبۆنەی هاتنی جەژنی رەمەزانی پیرۆزەوە ، بەناوی خۆم و ئەندامانی ئەنجومەنی زانكۆی سلێمانی پیرۆزبایی لە سەرجەم مامۆستایان و فەرمانبەران و خوێندكارانی زانكۆی سلێمانی دەكەم. هەروەها رێگەم بدەن بە ناوی ئێوەشەوە پیروزباییەكی گەرم لە كەس و كاری سەربەرزی شەهیدە نەمرەكان و پێشمەرگە قارەمانەكان كوردستان بكەم. بەرێزان مامۆستایان، فەمانبەران ، خوێندكارانی زانكۆی سلێمانی... جەژنی رەمەزان هاوكاتە لەگەڵ كۆتایی هاتنی پرۆسەی خوێندن ئەمساڵمان و دەستپێكردنی پشووی هاوینەی خوێندكاران ، بۆیە بەمبۆنەیەوە دەستی ماندووبووی تەواوی ئەو مامۆستا و فەرمانبەران دەگۆشم كە بەدرێژایی ئەمساڵی خوێندن بە دڵسۆزییەوە ئەركی سەرشانیان جێ بە جێ كردووە، لێرەوە سۆپاسیان دەكەم پێیان دەڵێم هەوڵ و كوششتان بەرچاو و درەوشاوەیە هیوام وایە هەر بەو گڕوتینە بەردەوام بن بۆ ئەوەی وەك هەمیشە زانكۆكەتان زانكۆی دایك بە پێشەنگی ناوەندە زانستی و ئەكادیمیكانی كوردستان بمێنێتەوە هەروەها هیوای سەركەوتن بۆ خوێندكارە ئازیزەكانمان دەخوازین ئومێدەوارین جەژن و پشوویەك خۆش بەسەربەرن. جەژنی (رەمەزان )كە بۆنەیەكی ئایینی پیرۆزە وهەوێنی ئاشتەوایی كۆمەڵایەتییە هیوامان وایە ببێتە جەژنی ئاشتەوایی سیاسی و مژدەی تێپەڕاندنی ئەم تەنگەژە سیاسییە كە عیراق و هەرێمی كوردستان تێكەتووە ، پارت و لایەنە سیاسیەكانی هەرێمی كوردستان بە یەك ستراتیژ ، یەك ئامانج بچنەوە بەغدا بۆ چارەسەركردنی كێشە هەڵپەسێراوەكانی لەگەڵ عیراق و زامینكردنی مافە دەستوری و دیموكراسیەكانی كوردستان. 

دووبارە جەژنتان پیرۆز .. 
‎پرۆفیسوری یاریدەردەر ‎د.رەزا حەسەن ‎سەرۆكی زانكۆی سلێمانی
 




 2018-06-14
 340