زانكۆی ئازادی ئیسلامی-كەرەج سەردانی زانكۆی سلێمانی كرد



زانكۆی ئازادی ئیسلامی-كەرەج سەردانی زانكۆی سلێمانی كرد

 kosar othman(kosar.amin@univsul.edu.iq)

 سەرلەبەیانی ڕۆژی 8/2 شاندێكی زانكۆی ئازادی ئیسلامی كەرەج بەسەرۆكایەتی سەرۆكی زانكۆكەیان سەردانی زانكۆی سلێمانی كردو لەلایەن سەرۆكی زانكۆی سلێمانی پڕۆفیسۆری یاریدەدەر دكتۆر رەزاحەسەن پێشوازی لێكراو باسی بەستنی پەیوەندی ئەكادیمی و زانستی كرا.

لەمیانی كۆبوونەوەكەدا كە هەریەك لەبەڕێزان پڕۆفیسۆر دكتۆر كاوە ئەمین یاریدەدەری سەرۆكی زانكۆ بۆ كاروباری زانستی و پڕۆفیسۆری یاریدەدەر دكتۆر كاوە جەمال راگری كۆلێژی كارگێڕی و ئابووری پڕۆفیسۆری یاریدەدەر دكتۆر دانا عەبدولكەریم راگری كۆلێژی یاسا و پڕۆفیسۆری یاریدەدەر دكتۆر كارزان غەفور بەڕێوەبەری پەیوەندییەكان و ڕاگەیاند ئامادەبوون واژۆكردنی رێكەوتنامە تاوتوێ كراو باس لەبەستنی پەیوەندی زانستی و ئەكادیمی لەسەرجەم بوارەكاندا كرا بەتایبەتی لەبواری خوێندنی باڵا لەزمان و ئەدەبی فارسی دا.

لەكۆتایدا شاندی زانكۆی ئازادی ئیسلامی كەرەج زۆر سوپاسی زانكۆی سلێمانی كردو هیوایان خواست كە هەماهەنگی زانستی و ئەكادیمی بەردەوام بێت لەنێوان هەردولا.





 2018-08-02
 938