بۆ پتەو كردنی پەیوەندییەكاني نيَوانيان وەفدێكی زانكۆی سلێمانی سەردانی وڵاتی ئێرانی كرد



بۆ پتەو كردنی پەیوەندییەكاني نيَوانيان وەفدێكی زانكۆی سلێمانی سەردانی وڵاتی ئێرانی كرد

 kosar othman(kosar.amin@univsul.edu.iq)

 بە مەبەستی پتەو كردنی پەیوەندی ئەكادیمی نێوان زانكۆی سلێمانی و زانكۆی ئازادی ئیسلامی لقی كەرەج ،وەفدێكی زانكۆی سلێمانی كە پێكهاتبوون لەهەریەك لە بەڕێزان د.شەماڵ عبدول محمد،د.سەلام عبدالكریم عبداللە،م.ئەركان عبداللە سەردانی وڵاتی ئێرانیان كرد.

لەو سەردانەیاندا پێشانگای (شهر افتاب)یان بەسەركردەوەو لەگەڵ سەرۆكی پێشانگەكەو جێگرانی سەرۆكی پێشانگەكە گفتوگۆو ڕاوێژی پێویست ئەنجامدراو ئامادەیی هاوكارییان بۆ زانكۆی سلێمانی دەربڕی لەكاتی هەبوونی پێشانگای نێودەوڵەتی كتێب میوانداری زانكۆی سلێمانی بكەن،هەروەها ئامادەییان دەربڕی كە هاوكاری حكومەتی هەرێمی كوردستانیش بكەن بۆ نمایشكردنی بەرهەمی پیشەسازی و بازرگانی بەمەبەستی ناساندن و دەرخستنی توانستی مرۆیی و زانستی و ئەكادیمی هەرێم.

جێگای ئاماژەیە پێشانگای شهر افتاب گەورەترین پێشانگەیە لەڕۆژهەڵاتی ناوەراستدا كەلەسەر ڕوبەری 1600دۆنم زەوی بنیاتنراوە هەموو ئیمكانیاتێكی ژیان بۆ مانەوەی گەشتیار و میوانانی پێشانگەكەی لەخۆگرتووە.

رۆژی 12/29 وەفدی زانكۆی سلێمانی سەردانی زانكۆی ئازادی ئیسلامی لقی كەرەجیان كردو گفتوگۆی چڕوپڕ لەسەر گرێدانی پەیوەندی زانستی و هەماهەنگی هاوكاری نێوانیان جەختی لەسەر كرایەوە .





 2019-01-02
 366