بە هاوكاری زانكۆی سلێمانی هەوڵی نوێكردنەوەی بەرنامەی خوێندن دەدرێت لەكوردستاندا



بە هاوكاری زانكۆی سلێمانی هەوڵی نوێكردنەوەی بەرنامەی خوێندن دەدرێت لەكوردستاندا

 kosar othman(kosar.amin@univsul.edu.iq)

 ئەمڕو 2/5 لیژنەیەك كە بۆتازەكردنەوەی بەرنامەی خوێندن دروست بوون سەردانی سەرۆكی زانكۆی سلێمانی و پڕۆفیسۆری یاریدەدەر دكتۆر رەزا حەسەن- ییان كردوو بۆ ئەو مەبەستە كۆبوونەوە.

لەسەرەتاشدا لیژنەكە باسی پرۆژەكەی خۆیان كرد كە بەنیازن لەڕێی ئەم پرۆژەیەوە خزمەتی زیاتر بە نەوەكانمان بكەن سەرۆكی زانكۆی سلێمانیش هەموو هاوكارییەكی دەربڕی بۆ سەرخستنی ئەو پرۆژەیە.

 دكتۆر محەمەد مەحوی مامۆستا لەكۆلیژی زمان بەشی كوردی لە لێدوانێكیدا بۆ سایتی زانكۆی سلێمانی وتی: ژمارەیەك لە پرۆفیسۆرو مامۆستای زانكۆی سلێمانی لەگەل چەند كەسێك لە ئەنجوومەنی پارێزگای سلێمانی و ریچكخراوەكانی مەدەنی و یونسكۆو پەروەردەو سەرپەریشتیكارانی پەروەردەوەهەموو بەرنامەیەكمان داناوە لەگەڵ پرۆژەیەكدا پرۆژەكە بۆ تازەكردنەوەی بەرنامەی خوێندنە، بۆ دروستكردنی دوو ناوەندە بۆ ئەو مەبەستە یەكێكیان لەبەڕێوبەرێتی گشتی سلێمانی ئەوی تریان لە دهۆك ئەو دوو ناوەندە كتێبەكانی خوێندن دائەنێن بەزمانی كوردیش و بۆ زمانی كوردیش بەواتە ئێمە سەرتاپای بەرنامەی خوێندن لە كوردستاندا بەو شێوەیە دەگۆڕین و دایئەڕێژینەوە كە سەردەمی بێت هاوتاییەك هەبێت لەنێوان ئاستی زانستی بەرنامەی خوێندن لەقۆناغی بنەڕەتی و دوا بنەڕەتیدا لەگەل ئەو زانستە و ئەو ئاستە زانستەی كە لە زانكۆكانی كوردستاندان

وتیشی هەنگاوی یەكەمی ئێمە دروستكردنی پەیوەندییەكی ڕاستەوخۆیە لەنێوان وەزارەتی خوێندنی باڵاو وەزارەتی پەروەردە دا كە بەمەش زانست دەبەینە قۆناغێكی نوێوە .

باسی لەوەشكرد لەو ڕێیەوە دەتوانین هەم كۆنتڕۆڵی زمان و بەكارهێنانی زمانی كوردی بكەین هەم كۆنتڕۆڵی خوێندنی زانستەكان بكەین لە كوردستاندا كارێك بكەین قوتابی لە قۆناغەكانی خوێندن ئامادە بكەین بۆ ئەوەی بتوانن بێن لەزانستگا بخوێنن هەروەها كە هاتنە زانكۆوە ببنە داهێنەر ببن بە كەسانێك كە خزمەت بكەن .

ئاماژەی بەوەشدا پرۆژەكە بەپشتیوانی و هاوكاری سەرۆكایەتی زانكۆی سلێمانی و پارێزگا و ئەنجوومەنی پارێزگای سلێمانییە لەگەڵ بەڕێوبەرێتی گشتی پەروەردەی سلێمانی لەگەڵ هەموو ئەو ڕێكخراوانەی كە لەگەڵماندان جێبەجێدەكرێت.





 2019-02-05
 363