كاری شەش مانگی ناوەندی كوردستان بۆ دیكۆمێنت و لێكۆڵینەوەی ئەكادیمی لە پێشانگایەكدا خرایەڕوو



كاری شەش مانگی ناوەندی كوردستان بۆ دیكۆمێنت و لێكۆڵینەوەی ئەكادیمی لە پێشانگایەكدا خرایەڕوو

 zanyar.fatah@univsul.edu.iq

ئەمڕۆ 17-3-2019، بە سەرپەرشتی د. یوسف گۆران وەزیری خوێندنی باڵاو توێژینەوەی زانستی هەرێم و بە ئامادەبوونی پرۆفیسۆری یاریدەدەر د. رەزا حەسەن سەرۆكی زانكۆی سلێمانی و چەندین مامۆستاو كەسانی ئەكادیمی بە دروشمی " پاراستنی ئەرشیفی نیشتمانی ئایندەبینی و نیشتمانسازییە" بە بۆنەی یادەكانی مانگی ئادار، لە پێشانگایەكدا كۆكراوەی كاری 6 مانگی ناوەندی كوردستان بۆ دیكۆمێنت و لێكۆڵینەوەی ئەكادیمی نمایشكرا.

 پێشانگاكە لەلایەن د. یوسف گۆران وەزیری خوێندنی باڵاو توێژینەوەی زانستییەوە كرایەوە، پاشان لەلایەن د. هەردی بەڕێوەبەری  ناوەندی كوردستان بۆ دیكۆمێنت و لێكۆڵینەوەی ئەكادیمی، كورتەیەك لەسەر كاری ناوەندەكەو چۆنێتی ئەرشیفكردن و كۆكۆدنەوەی دیكۆمێنتەكان خرایەڕوو، دواتر وەزیری خوێندنی باڵا ویڕای دەستخۆشی لە سەرۆكایەتی زانكۆی سلێمانی و ناوەندی كوردستان بۆ دیكۆمێنت و لێكۆڵینەوەی ئەكادیمی، بەگرنگییەوە باسی لە كارەكانی ناوەندەكردوو رایگەیاند: بوونی ئەم ناوەندە ئەكادیمییانە زۆر پێویستە بۆ دیكۆمێنتكردن و ئەرشیفكردنی بەڵگەنامەكان كە ئەو دیكۆمێنتانە سەرمایەیەكی نیشتمانیی وڵاتەكەمانەو دەتوانین لە بواری ئەكادیمیدا سودی زۆر گەورەی لێببینین.
پاشان لەلایەن بەڕێوەبەرو ستافی ناوەندەكەوە بەشێك لەو دیكۆمێنت و بەڵگە مێژوویتائی و دەستنووسانە پیشاندران كە  تائێستا لەلایەن ناوەندەكە كۆكراونەتەوەو كاریان لەسەر كراوەو پارێزراون.




 2019-03-17
 376