ئەنجومەنی زانكۆ كۆبووەوە



ئەنجومەنی زانكۆ كۆبووەوە

 [email protected]

ئەمڕۆ 8-5-2019، ئەنجومەنی زانكۆی سلێمانی بە سەرۆكایەتی پرۆفیسۆری یاریدەدەر د. رەزا حەسەن سەرۆكی زانكۆی سلێمانی و سەرجەم ئەندامانی ئەنجومەنی زانكۆ كۆبوونەوەی ئاسایی خۆی بەڕێوەبرد .
لەسەرەتا كۆبوونەوەی ئەنجومەن پرۆفیسۆری یاریدەدەر د. رەزا حەسەن سەرۆكی زانكۆی سلێمانی سوپاسی سەرجەم ئەندامانی ئەنجومەنی زانكۆ و ئەو مامۆستاو فەرمانبەرانەی كرد، كە بەشداربوون لە بەڕێوەبەردنی مەراسیمی بەخشینی دكتۆرای فەخری بە مامۆستای هونەرمەند مەزهەری خالقی .
دواتر بە ئامادەبوونی نوێنەری خوێندكاران گفتوگۆلەسەر كێشەی خوێندكاران كراو تاوتوێی دیاریكردنی كاتی دەستیپێكردن و كۆتایی هاتنی تاقیكردنەوەكانی كۆتایی ساڵی سەرجەم كۆلێجەكان كرا.
پاشان بە ئامادەبوونی نوێنەری مامۆستایانی زانكۆ، تاوتوێی كێشەو داواكارییەكانی مامۆستایان كر، دواتر لەلایەن سەرۆكی زانكۆی سلێمانییەوە، ئەوە دووپاتكرایەوە، پێویستە لەسەر سەرجەم راگرو سەرۆك بەشەكان لە كاتی دەستیپێكردنی تاقیكردنەوەكان روونكردنەوەو رێنمایی تەواو بدرێتە خوێندكاران كە بەهیچ شێوەیەك هەوڵی قۆپییەو غەشكردن نەدەن لە كاتی تاقیكردنەوەكاندا، چونكە ئەگەر هەوڵی قۆپییەو غەشكردن بدەن ئەو كات سەرجەم تاقیكردنەوەكانی بە دەرنەچوو بۆ ئەژمار دەكرێت و بەهیچ شێوەیەكیش ناتوانێت لە خولی دووەم تاقیكردنەوە ئەنجامبدات، پێویستیشە ئەم رێنماییە لە سەرجەم هۆڵ و بەشەكانی ناو كۆلیجەكانی زانكۆ هەڵبوراسرێت و پێش هەموو تاقیكردنەوەیەكیش خوێندكارانی لێ ئاگادار بكرێتەوە.
پاشان تەوەرەكانی كۆبوونەوەی ئەنجومەنی زانكۆی سلێمانی دەستیپێكردو گفتوگۆ لەسەر چەند كێشەیەكی ئیداری و كێشەكانی بەش و كۆلێجەكانی زانكۆ كراو پێشنیارو رای ئەندامانی ئەنجومەن لەسەر چۆنێتی چارەسەركردنی ئەو كێشانە وەرگیرا.
  
 




 2019-05-08
 413