مامۆستایەكی زانكۆی سلێمانی كتێبێك لەبارەی نەخۆشییە مرۆژەڵییەكان بڵاودەكاتەوە



مامۆستایەكی زانكۆی سلێمانی كتێبێك لەبارەی نەخۆشییە مرۆژەڵییەكان بڵاودەكاتەوە

 [email protected]

كتێبی نەخۆشییە مرۆژەڵییەكان، كە لە نوسینی پرۆفیسۆر د. فەرەیدوون عبدالستار محمد ئەمین "ڕاگری كۆلیژی پزیشكی ڤێترنەری-زانكۆی سلێمانی" لە ساڵی 2015 بۆ یەكەمجار چاپكراوە.

كتێبەكە باس لەو نەخۆشییە هاوبەشەنە دەكات كە لەنێوان مرۆڤ و ئاژەڵدا ڕوودەدات, لەگەڵ دەست نیشانكردنی هۆكاری تووشبوون, نیشانەكانی تووشبوون, چۆنیەتی خۆپاراستن و چارەسەركردن لەو نەخۆشییانە.

 لەبەر گرنگی ناوەڕۆكی كتێبەكە و هەوڵدان بۆ ئاشناكردنی مامۆستایان و خوێندكارانی ئازیز لە شارەكەماندا، بەڕێوەبەرێتی گشتی پەروەردەی سلێمانی- بەڕێوبەرێتی پڕۆگرام و چاپەمەنیەكان لەسەر ئەركی خۆیان هەڵستان بە دووبارە چاپكردنەوەی كتێبەكە, بەمەبەستی سوود لێ وەرگرتن لەلایەن قوتابخانەكانی  پەروەردە و بەتایبەت مامۆستایانی پسپۆر لەبواری زیندەزانی (بایۆلۆجی).

 شایانی باسە د. فەرەیدوون خاوەنی چەندین كتێبە لە بواری زانستی پزیشكی ڤێترنەری كە بەزمانی شیرینی كوردی بڵاوی كردوونەتەوە، هەروەها  بەردەوام هەوڵ ئەدات كۆمەڵگا ئاشنا بكات بەزانستی پزیشكی ڤێترنەری چ بەنووسین یان لەڕێگەی ڕاگەیاندنەكانەوە، بەهیوای سەركەوتنی زیاتر بۆ پڕۆفیسۆر د. فەرەیدون لەگەڵ چاوەڕوانیمان بۆ كاری باشتر و بەردەوام بوون

 





 2019-08-01
 413