ئەنجومەنی زانكۆی سلێمانی كۆبووەوە



ئەنجومەنی زانكۆی سلێمانی كۆبووەوە

 [email protected]

ئەمڕۆ 4-9-2019، ئەنجومەنی زانكۆی سلێمانی بەسەرپەرشتی، پرۆفیسۆری یاریدەدەر د. رەزا حەسەن سەرۆكی زانكۆی سلێمانی و ئامادەبوونی ئەندامانی ئەنجومەنی زانكۆ كۆبوونەوەی ئاسایی خۆی ئەنجامدا.

 تەوەری یەكەمی كۆبونەوەی ئەنجومەنی زانكۆ تایبەت بوو بە گفتوگۆكردن لەسەر دەستپێكردنەوەی دەوامی ساڵی نوێ لە كۆلێج و بەشەكان، هەروەها جەختكرایەوە لەسەر پابەندبوونی مامۆستایان و فەرمانبەران بە دەوامی رۆژانەی خۆیانەوە كە دەبێت لەسەرجەم كۆلێج و بەشەكان بەشێوەیەكی باش رێكبخرێتەوە.
دواتر گفتوگۆ لەسەر كێشەو كەموكوڕییەكان كراو پێشنیاری ئەندامان لەسەر چۆنێتی چارەسەركردنیان وەرگیرا، هەروەها تەوەرێكی تری كۆبوونەوەی ئەنجومەن، كە د. چۆمان عەلائەدین لێپرسراوی تۆمارگای گشتی زانكۆی سلێمانی ئامادەبوو تێیدا، تایبەت بوو بە گواستنەوەی خوێندكاران و دیاریكردنی دواین وادە بۆ وەرگرتنی مامەڵەكانیان، هەروەها گفتوگۆكردن لەسەر ئامادەكارییەكان بۆ وەرگرتنی خوێندكاران بۆ ساڵی نوێی خوێندن و هەماهەنگی كۆلێج و بەشەكانی زانكۆ لەگەڵ تۆمارگای گشتی لەو بارەییەوە.
پاشان گفتوگۆ لەسەر ئامادەكارییەكان بۆ دەستپێكردنی ساڵی نوێی خوێندن و داڕشتنی رۆژمێری ساڵی نوێی خوێندن كرا لە زانكۆ.
 




 2019-09-04
 160