ڕێنماییەكانی وەرگرتن بۆ خوێندنی ئێواران لە زانكۆی سلێمانی 2019-2020



ڕێنماییەكانی وەرگرتن  بۆ خوێندنی ئێواران لە زانكۆی سلێمانی 2019-2020

 [email protected]

بۆ خوێندنی ئێواران بۆ ساڵی 2019-2020، زانكۆی سلێمانی ئاگاداری خوێندكارانی بەڕێز دەكاتەوە، ئەوانەی  دەیانەوێت لەو كۆلێجانە بخوێنن كە خوێندنی ئێوارانیان دەبێت، فۆرفی پێشكەشكردن بۆ خوێندنی ئێواران لەو كۆلێجانە دابەشدەكرێت كە خوێندنی ئێواران دەكەنەوە لە بەرواری (11-9-2019 تاكو 3-10-2019)، بۆیە بەپێی رێنماییەكانی  وەزارەتی خوێندنی باڵاو توێژینەوەی زانستی نرخ و رێنمایی خوێندن لەو كۆلێجانە دیاریكراوە، كە بەم شێوەیەیە:   

 1-  كۆنمرەی وەرگرتن لەبەشە زانستییە مرۆڤایەتییەكان و كارگێرییەكان و پەروەردەییەكان نابێت لە (60%) كەمتر بێت و لە پەیمانگە حكومییەكانی هەمان ئەو پسپۆریانە نابێت لە (55%) كەمتر بێت.
2- بۆ وانە پەیوەندیدارەكانی پسپۆریەكان ڕەچاوی (كریدت) دەكرێت.
3- پلانی وەرگرتنی خوێندنی ئێواران لەزانكۆ حكومییەكان بە ڕێژەی (100%) پلانی پەسندكراوی بەشەكانی بەیانیان دەبێت.
4- بۆ زیاتر دەستەبەركردنی كواڵیتی و دڵنیایی جۆری ، تاقیكردنەوە كۆتاییەكان لەخوێندنی ئێواران لەگەڵ خوێندنی بەیانیان بەیەكەوە ئەنجام دەدرێت بەهەمان پرسیار دەبێت.
5- كات ژمێرەكانی دەوامی خوێندنی ئێواران دەبێت بەهاوتای كات ژمێرەكانی خوێندنی بەیانیان بێت (لە 8 كاتژمێر كەمتر نەبێت).
6- لەزانكۆ حكومییەكان هەر بەشێك لەكۆلێژ و پەیمانگەكان ، ئەگەر لەخوێندنی بەیانیان قوتابی خوێندكاری نەبێت بۆی نیە لەدەوامی ئێواران قوتابی خوێندكار وەربگرێت.
7- پێشینە  (ئەولەویەت) بۆ دەرچووانی ئامادەیی ساڵانی خوێندنی (2018-2017) ، (2019-2018) دەكرێت تا ڕێژەی (70%) وە لە كاتی پڕ نەبوونەوەی ئەو ڕێژەیە بەدەرچووانی ساڵانی ڕابردوو  و دەرەوەی هەرێم پڕ دەكرێتەوە و ڕەچاوی تەمەن ناكرێت.
8- دەرچووی پەیمانگەكان بۆ بەشە هاوشێوەی پسپۆرییەكانیان دەچنە پێشبڕكێ بەمەرجێك لە (20%) پلان تێپەر نەكات و تێكڕای كۆنمرەیان لە (60%) كەمتر نەبێت ، ئەگەر پسپۆری هاوشێوەیان نەبوو لەسەر بنەمای كۆنمرەی ئامادەیی پێشبڕكێ دەكەن.
9- گواستنەوە بۆ وەرگیراوان لە خوێندنی ئێواران بۆ بەشی هاوشێوەی بەیانیان ناكرێت لەبەر جیاوازی كۆنمرە.
10-  بەمەبەستی هاندانی خوێندن ئەگەر قوتابی/ خوێندكار كە بەسیستەمی ئێواران وەرگیراوە ئەگەر لە هەر سالێك یەكەم بوو لە سەر هەموو قوتابیان / خوێندكارانی بەشەكەی ئەوا لە (75%) ی كرێی خوێندن دەبوردرێت و ئەگەر دووەم بوو لە (50%) و سێیەم لە (25%) ی كرێی خوێندن دەبوردرێت.
11-  بۆ ئەو كۆلێجانەی كە بە تاقیكردنەوە و چاوپێكەوتن پێشكەشی سیستەمی ئێواران دەكەن ، مەرجە تاقیكردنەوەی جەستەیی و لێهاتویی دەر‌بچێت بۆ چوونە ناوپێشبڕكێی كورسی پلانی وەرگرتنی بەشەكان.
12-  پێویستە دەرچوانی ئامادەیی بە هەردوو شێوەی (فۆرم و ئۆن لاین) پێشكەشی ئێواران بكەن ، وە بۆ دەستكەوتنی وشەی بەكارهێنەر و وشەی تێپەری ماڵپەڕی(https://regayzanko.com/student/index.php) پێویستە سەردانی مەڵبەندی ڕاوێژكاری بكەن لە تۆماری گشتی زانكۆی سلێمانی.
13-  فۆرمی ئێواران لە زانكۆی سلێمانی لە بەرواری (11/09/2019) تا (04/10/2019) ڕێكەوتی یەكشەممە لە تۆماری كۆلێجەكان دابەش دەكرێت.
نرخی خوێندن لە كۆلێج و بەشەكانی زانكۆی سلێمانی بۆ خوێندنی ئێواران:
 

 

تێبینی:
 
-ئەم فۆرمە بەبێ مۆری ڕەسەنی (خوێندنگا و پەروەردە و  زانكۆی سلێمانی ) پەسەند ناكرێت و دوور دەخرێتەوە .
 
-هەر فۆرمێكی ئێواران تەنها بۆ یەك كۆلێج لە زانكۆی سلێمانی پێشكەش دەكرێت.

 





 2019-09-10
 1956