بروسكەی پیرۆزبایی سەرۆكایەتی زانكۆی سلێمانی بۆ یادی دامەزراندنی كەناڵی گەلی كوردستان



بروسكەی پیرۆزبایی سەرۆكایەتی زانكۆی سلێمانی بۆ یادی دامەزراندنی كەناڵی گەلی كوردستان

 [email protected]

بەبۆنەی ساڵیادی دامەزراندنی تەلەفیزیۆنی گەلی كوردستان، (كەناڵی دایك)، پرۆفیسۆری یاریدەدەر د. رەزا حەسەن سەرۆكی زانكۆی سلێمانی، بروسكەیەكی پیرۆزبایی ئاڕاستەی بەڕێوەبەرو كارمەندانی ئەو كەناڵە بەڕێزە كردووە، كەئەمە دەقەكەیەتی:
 
بروسكەی پیرۆزبایی سەرۆكایەتی زانكۆی سلێمانی بۆ كەناڵی گەلی كوردستان بە بۆنەی ساڵیادی دامەزراندنی .
بەبۆنەی 28مین ساڵڕۆژی دامەزراندنی كەناڵی گەلی كوردستانەوە، بەناوی‌ خۆم‌ و ئەندامانی ئەنجومەنی زانكۆی سلێمانییەوە گەرمترین پیرۆزبایی ئاراستەی كەناڵی گەلی كوردستان، (كەناڵی دایك) دەكەم و دەستی ماندوبوونی بەڕێوەبەرو سەرجەم كارمەندانی دەگوشین.
لەدوای راپەڕینەوە، كەناڵی‌ گەلی كوردستان وەك یەكەمین میدیای بینراو بووە بە ئاوێنەی راستەقینەی كۆمەڵانی خەڵكی كوردستان‌ كە لەو كاتەدا هەنگاوێكی گرنگ بوو بۆ پێشخستنی دۆخی ڕاگەیاندن‌و گەیاندنی دەنگی كۆمەڵانی خەڵك.
ئەمڕۆش لە (28) ساڵی تەمەنیدا بۆتە قوتابخانەیەك بۆ پێگەیاندنی دەیان كادیرو میدیاكاری بە توانا كە جێی دەستیان لە پێشخستنی رەوتی میدیای كوریدا دیارە .
كەناڵی گەلی كوردستان لەنێو كەناڵە میدیاییەكانی كوردستان بەڕاستگویی و وردی لە گەیاندنی پەیامەكان و پەیوەست بوون بە ئیتیك و پرەنسیپەكانی كاری راگەیاندن دەناسرێت . لەم ساڵیادەدا دووبارە پیرۆزباییتان لێدەكەم‌و ئومێدی هەرچی زیاتر سەركەوتن‌و پێشكەوتنتان بۆ دەخوازم. هیواشمان وایە لەسەر هەمان رێباز درێژە بەو كاروانە سەنگینە بدەن بۆ زیاتر خزمەتكردنی گەلی‌ كورد‌ستان.
 
‎پ.ی. د.رەزا حەسەن
‎سەرۆكی زانكۆی سلێمانی
 
 




 2019-09-11
 436