لە زانكۆی سلێمانی چلەی ماتەمینی د. ئەیاد نورەدین بەرێوەچوو



لە زانكۆی سلێمانی چلەی ماتەمینی د. ئەیاد نورەدین بەرێوەچوو

 [email protected]

ئەمڕۆ 24-9-2019، بە ئامادەبوونی پرۆفیسۆری یاریدەدەر د. رەزا حەسەن سەرۆكی زانكۆی سلێمانی و ژمارەكی بەرچاو لە مامۆستانیان و هاوڕێیان و خێزان و بنەماڵەی خوالێخۆشبوو، لە هۆڵی ئیماعیل بێشكی لە كۆلێجی پەروەردەی بنەڕەتی  مەراسیمی چلەی د. ئەیاد نورەدین محەمەد مامۆستای كۆلێجی پەروەردەی وەرزشی زانكۆی سلێمانی بەڕێوەچوو.

سەرەتای مەراسیمەكەش بە ساتێك وەستان بەبێ دەنگی بۆ رۆحی پاكی خوالێخۆشبوو دەستیپێكرد، پاشان فیلمێكی دیكۆمێنتاری لەسەر ژیانی (د. ئەیاد نورەدین محەمەد) نمایشكرا، دواتر وتاری سەرۆكایەتی زانكۆی سلێمانی بەو بۆنەیەوە لەلایەن، پرۆفیسۆری یاریدەدەر د. رەزا حەسەن سەرۆكی زانكۆی سلێمانی خوێندرایەوە، كە تێیدا سەرۆكی زانكۆ وێڕای سەرەخۆشی و هاوخەمی بۆ كۆچی  دوایی د. ئەیاد نورەدین، باسی لە تواناو لێهاتوویی خوالێخۆشبوو كرد، لە بواری زانستی وەرزشی و خزمەتەكانی بە زانكۆی سلێمانی لەماوەی ژیانیدا. وتیشی: كۆچی دوایی د. ئەیاد زیانێكی گەورەبوو بۆ زانكۆی سلێمانی و بواری زانست و ئەكادیمییای وەرزش  لە هەرێم و بەناوی سەرۆكایەتی زانكۆی سلێمانییەوە پرسەو سەرەخۆشی خۆمان ئاڕاستەی بنەماڵەو هاوڕێیانی د. ئەیاد دەكەین و لە خوای گەورە داواكارین ئەمە دواین ناخۆشییان بێت و رۆحی خوالێخۆشبووش بە بەهەشتی بەرینی خۆی شاد بكات و خوای گەورە سەبوری هەموولایەن بدات.
 دواتر وتاری بنەماڵەی خوالێخۆشبوو بەو بۆنەیەوە خوێنرایەوە، كە تێیدا سوپاسی هەموو ئەو كەسایەتی و لایەنانەكرا كە ئامادەی مەراسیمەكەبوون و هاوخەمبوون لەگەڵ بنەماڵە بۆ لەدەستدانی د. ئەیاد نورەدین محەمەد.




 2019-09-24
 483