وەفدێكی زانكۆی شەهید بەهەشتی ئێران سەردانی زانكۆی سلێمانی دەكەن



وەفدێكی زانكۆی شەهید بەهەشتی ئێران سەردانی زانكۆی سلێمانی دەكەن

 kosar othman([email protected])

 زانكۆی شەهید بەهەشتی پزیشكی ئێران بەسەرۆكایەتی پڕۆفیسۆر د.علی ڕەزا زالی سەرۆكی زانكۆكە سەردانی زانكۆی سلێمانی كردو لەلایەن سەرۆكی زانكۆی سلێمانی پێشوازی لێكرا.

شاندەكەی زانكۆی شەهید بەهەشتی كە لەهەریەك لە پڕۆفیسۆر دكتۆر علی ڕەزا زالی سەرۆكی زانكۆ،دكتۆر داود امی ، دكتۆر ڕەزا خشتود و دكتۆر محمد ڕەزا صفاران(بەڕێوەبەری پەیوەندییەكان) پێكهاتبوو، ڕۆژی پێنج شەممە 11/14 سەردانی زانكۆی سلێمانی یان كردو لەلایەن سەرۆكی زانكۆی سلێمانی پڕۆفیسۆری یاریدەدەر دكتۆر رەزا حەسسەن و راگری كۆلیژی پەرستیاری ،راگری كۆلێژی دەرمانسازی ،یاریدەدەری راگری كۆلیژی پزیشكی و یاریدەدەری راگری كۆلێژی ددان و بەڕێوەبەری پەیوەندییەكان پێشوازییان لێكرا.

لەو كۆبونەوەیەدا هەردولا باسیان لەبەستنی پەیوەندی زانستی و ئەكادیمی كرد لەبوارەكانی پزیشكی دا.

سەرۆكی زانكۆی شەهید بەهەشتی پیرۆزبایی دامەزراندی شاری سلێمانی كردو سوپاسی سەرۆكی زانكۆی سلێمانی كرد بۆ پیشوازی لەشاندەكەیان.





 2019-11-17
 159