سەنتەری یەكسانی جێندەری پانێڵێكی لەژێر ناویشانی شكۆی ژن، شكۆی ئاشتی و پێكەوە ژیانە بەڕێوەبرد



سەنتەری یەكسانی جێندەری پانێڵێكی لەژێر ناویشانی شكۆی ژن، شكۆی ئاشتی و پێكەوە ژیانە بەڕێوەبرد

 [email protected]

ئەمڕۆ 1-12-2019، لە چوارچێوەی چالاكییەكانی شانزە رۆژی هەڵمەتی بەرەنگاربوونەوەی توندوتیژی دژی ژنان، سەنتەری یەكسانی جێندەری زانكۆی سلێمانی و یەكێتی ژنانی كوردستان لە هۆڵی كۆنفرانسەكانی كۆلێجی كارگێڕی و ئابوری زانكۆی سلێمانی پانێڵێكی بە ناونیشانی (شكۆی ژن، شكۆی ئاشتی و پێكەوە ژیان)، رێكخست.

سەرەتای پانێڵەكە بە ساتێك وەستان بۆ رۆحی پاكی شەهیدان، دەستی پێكرد، دواتر، كورتەیەك لە مێژووی سەرهەڵدانی یەكسانی جێندەری  بۆ ئامادەبووان باسكرا، دواتر د. نەرمین مەعروف راگری كۆلێجی بازرگانی لە بەری پرۆفیسۆری یاریدەدەر د. رەزا حەسەن سەرۆكی زانكۆی سلێمانی وتاری سەرۆكایەتی زانكۆی سلێمانی بەو بۆنەیەوە خوێندەوەو رایگەیاند: زانكۆی سلێمانی وەك ناوەندێكی زانستی و مەعریفی هەمیشە پاڵپشتی تەواوی دۆسییەی ژنان بووە، بۆیە لە دوای زانكۆی ئەمریكی لە سلێمانی، زانكۆی سلێمانی سەنتەری یەكسانی جێندەری كردەوە، ئەمەش نیشانەی گرنگیدانی تەواوی زانكۆیە بە بابەتی یەكسانی جێندەری، بۆیەش لە شانزە رۆژی بەرەنگاربوونەوەی توندوتیژی دژی ژنان، هیوای سەركەوتنیان بۆ دەخوازین و تەئكیددەكەینەوە كە هاوكارو پشتوانی تەواوی كارەكانیان دەبین.
پاشان پانێڵەكانی چالاكییەكان دەستیپێكرد، كە لە لایەن میوانەكانەوە چەندین تەوەری گرنگی كۆمەڵایەتی قسەو باسی لەسەر كراو چەندین ئامار لەسەر بابەتی توندوتیژ و كاركردن بۆ رێگری لە تەشەنەسەندنی توندوتیژ خرانەڕوو.
   




 2019-12-01
 141