شاندێكی زانكۆی چونگ هسینگ-ی وڵاتی تایوان سیمینارێكیان لە كۆلێجی زانستە رامیارییەكان ئەنجامدا



شاندێكی زانكۆی چونگ هسینگ-ی وڵاتی تایوان سیمینارێكیان لە كۆلێجی زانستە رامیارییەكان ئەنجامدا

 [email protected]

ئەمڕۆ 11-12-2019، شاندێكی زانكۆی نیشتمانی "چونگ هسینگ"(NCHU) ی وڵاتی تایوان، بەسەرۆكایەتی چونگ هسینگ بە سەرۆكایەتی پرۆفیسۆر (د. مومین چین) یاریدەدەری سەرۆكی زانكۆی نیشتمانی "چونگ هسینگ"(NCHU) ، بۆ پەیوەندییە نێودەوڵەتییەكان لە تایوان و ئەندامێتی دوو توێژەری زانكۆی ناوبراو سەردانی كۆلێجی زانستە رامیارییەكانی زانكۆی سلێمانییان كردو لەگەڵ راگرو ژمارەیەك مامۆستای ئەو كۆلێجە كۆبوونەوە.

دواتر شاندەكە لە هۆڵی كۆنفرانسەكانی كۆلێجی زانستە رامیارییەكانی زانكۆی سلێمانی سیمینارێكیان بۆ مامۆستایان و خوێندكارانی ئەو كۆلێجە ئەنجامدا كە تێیدا زانیاری وردیان لەسەر زانكۆكەیان و شێوازی خوێندن و سیستمی سیاسی و كۆمەڵایەتی و پەیوەندییە دیبلۆماسییەكانی وڵاتەكەیان لەگەڵ وڵاتی چین و وڵاتانی تری جیهان خستەڕوو، دواتر دەرگای گفتوگۆ بۆ پرسیارەكانی مامۆستایان و خوێندكاران لەسەر كۆی بابەتە پێشكەشكراوەكە كرایەوە.




 2019-12-11
 811