مامۆستایەكی بەشی راگەیاندن چەند چالاكییەك لە زانكۆكانی بەریتانیا ئەنجام دەدات



مامۆستایەكی بەشی راگەیاندن چەند چالاكییەك لە زانكۆكانی بەریتانیا ئەنجام دەدات

 [email protected]

مامۆستایەكی بەشی راگەیاندنی كۆلێژی زانستە مرۆڤایەتییەكانی زانكۆی سلێمانی لە وڵاتی بەریتانیا بەشداری چەند چالاكییەكی زانستی تایبەت بە میدیا و خوێندنی میدیا دەكات. 

مامۆستا بەرهەم خالید، مامۆستا لە بەشی راگەیاندنی زانكۆی سلێمانی لە لایەن زانكۆی وێست سكۆتلاندی بەریتانی و زانكۆی گلاسگۆ وە بە فەرمی بانگهێشت دەكرێت بۆ وتنەوەی چەند وانەیەك بە خوێندكارانی بەشی راگەیاندن و رۆژنامە نوسی لەو زانكۆیانە و بەشداری چەند چالاكییەكی دیكەی وەك وۆرك شۆپ و سیمینار و هەڵسەنگاندنی خوێندكاران دەكات.
رۆژی ١٧ی فێبریوەری وانەیەك دەربارەی رەوشی مێدیا لە هەرێمی كوردستان و خوێدنی میدیا لە بەشی راگەیاندنی زانكۆی سلێمانی پێشكەس بە خوێندكارانی قۆناغی سێیەمی بەشی خوێندنی مێدیا كرد لە زانكۆی وێست سكۆتلاند و خوێندكاران و بەشێك لە مامۆستایانی زانكۆكە ئامادەی وانەكە بوون گفتۆگۆكرا دەربارەی رەوشی مێدیای كوردستان و بەراورد بە وڵاتی بەریتانیا.
هەروەها رۆژی ١٨ی ٢ كاری هەڵسەنگاندن بۆ خوێندكارانی قۆناغی دووەمی هەمان زانكۆ كرا لە بابەتی نوسینی هەواڵ و ئامادەكردنی ستۆری كە تێیدا تێبینی و سەرنج پێشكەش بە خوێندكاران كرا دەربارەی شێوازی نوسینی هەواڵ و ناونیشان و داڕشتی هەواڵ بۆ تەلەفزیۆن و رۆژنامە ماڵپەڕەكان بە رەچاوكردنی بنەماكانی هەواڵ.
رۆژی ١٨ی ٢ مامۆستاكەی بەشی راگەیاندن لە لایەن زانكۆی گلاسگۆ كە دووەم كۆنترین زانكۆیە كە خوێندن تێیدا بە زمانی ئینگلیزییە بانگهێشتكرا بۆ وتنەوەی وانەیەك بە خوێندكارانی ماستەر لە بواری كۆمۆنیكەیشن و میدیای نێودەوڵەتی، كە تێیدا وانەیەك دەربارەی بنەماكانی كاری رۆژنامەنوسی وەك پەیامنێری نێودەوڵەتی خرایە روو لەگەڵ كورتەیەك دەربارەی مێدیای كوردی و چۆنیەتی روماڵكردنی ناوچە پڕ ململانێكان.




 2020-03-25
 1862