ئاگادارییەك لەسەنتەری پەرەپێدانی هەلی كار لە زانكۆی سلێمانی تایبەت بە پرۆگرامی ئەكادیمیای ئامادەكاری پیشەیی



ئاگادارییەك لەسەنتەری پەرەپێدانی هەلی كار لە زانكۆی سلێمانی تایبەت بە پرۆگرامی ئەكادیمیای ئامادەكاری پیشەیی

 [email protected]

لە پێناو پێشخستنی توانای پیشەیی خوێندكاران، پرۆگرامی ئەكادیمیای ئامادەكاری پیشەیی (Career Preparation Academic Program) كە پرۆگرامێكی ئۆنلاینی ڕێكخراوی ئایرێكیس (IREX)ی ئەمریكیە بە هاوكاری قونسوڵخانەی گشتی ئەمریكا لە عێراق و لە ڕێگەی سەنتەری پەرەپێدانی هەلی كاری زانكۆوە پێشكەش بە خوێندكارانی زانكۆكان دەكرێت بە مەبەستی گەشەپێدان بەو كارامەیانەی كە پێویستن بۆ پێشبڕكێی بازاری كار بە شیوازێكی زانستی و سەردەمیانە.

پرۆگرامی ئەكادمیای ئامادەكاری پیشەیی (Career Preparation Academic Program)
پرۆگرامێكی ئۆنلاینی ڕێكخراوی ئایرێكیس (IREX)ی ئەمریكیە بە هاوكاری قونسوڵخانەی گشتی ئەمریكا لە عێراق و لە ڕێگەی سەنتەری پەرەپێدانی هەلی كاری زانكۆكانی كوردستانەوە پێشكەش بە خوێندكارانی زانكۆكان دەكرێت بە مەبەستی گەشەپێدان بەو كارامەیانەی كە پێویستن بۆ پێشبڕكێی بازاری كار بە شیوازێكی زانستی و سەردەمیانە. ئەم پرۆگرامە دەرفەتێكە بۆ پێشخستنی توانای پیشەیی خوێندكار بە مەبەستی ئامادەكردن و ڕاهێنانیان لە ئێستاو داهاتوودا كە بە شێوەی ئۆنلاین ئەنجام دەدرێت. لەم پرۆگرامەدا ژمارەیەك ۆورك شۆپ و وێبنار (Webinar) و ڕاهێنانی پیشەیی و ئەكادیمیی پێشكەش بە خوێندكار دەكرێت لەلایەن ستافێكی بە تواناو شارەزای ڕێكخراوی ئایرێكس (IREX) و كۆمپانیاكان و سەنتەری كارەكان. خوێندكاری بەشداربوو لەم پرۆگرامەدا دەرفەتی بۆ دەڕەخسێت لەسەر چۆنێتی خۆبەڕێوەبردن و پێشخستنی ئاستی پیشەیی، هەروەها وەرگرتنی زانیاری لەسەر بازاڕی هەلی كار و ئەو پێشهاتانەی كە ڕوودەدەن لەو بوارەدا، وە دروستكردنی پەیوەندییەكی پیشەیی و بەهێز لە نێوان خوێندكار و هەلی كارو بازاڕدا، دروستكردنی پەیوەندی لە نێوان كڕیار و فرۆشیار لە بازاڕی كاردا، دانانی پلانی تۆكمەو دوور مەودا، كاركردن بە بەكارهێنانی تەكنەلۆجیای سەردەمیانە (بە ئۆنلاین كردنی بازاڕ)، هەروەها كاری خۆبەخشی و چەندین كاری تر. 
سودەكانی بەشدار بوون لەم پرۆگرامەدا:
دوای دوو مانگ لە بەشداریكردنی خوێندكار ئامادە دەبێت بۆ: 
1- ئاشنا بوون بۆ بەدەستهێنانی زانست و زانیاری خولی ڕاهێنانی تواناكان و كاری خۆبەخشی بەرزكردنەوەی كاری پیشەیی خوێندكار.
2-  دانانی پلانی ستراتیژی و وورد بۆ بەدەست هێنانی هەلی كار لەكەرتی تایبەتدا.
3- دروستكردن و پێشكەش كردنی پلانی هەلی كار بۆ بازاڕ.
4- پێشخستن وشارەزایی بوونی كاری پیشەیی لە ڕێگای بەكارهێنانی پرۆفایلی (LinkedIn) و چەندین پلاتفۆرمی تر. 
مەرجەكانی بەشداری كردن:
      خوێندكاری قۆناغی (4,3,2)ی لە هەموو بەش و پسپۆرییەكانی كۆلیجەكانی زانكۆ دەتوانن بەشدار بن لەم پرۆگرامەدا.
1- خوێندكار توانای هەبێت لە هونەری سەركردایەتی كردن.
2- خوێندكار بەشداری كردبێت لە چالاكییەكانی سەنتەری پەرەپێدانی هەلی كاردا.
3- خوێندكارئامادەی تێدابێت بەشداری سەرجەم كارو چالاكییەكانی ئەم پرۆگرامە بكات، وە هەروەها سەرجەم ڕێنماییەكانی وەكو خۆی جێ بەجێ بكات.
4- خوێندكار شارەزاییەكی باشی هەبێت لە بەكارهێنان و ڕیكۆرد كردنی پلاتفۆرمی (zoom).
5- خوێندكارئامادەی تێدابێت بۆ ماوەی (3-2) كاتژمێر بەشداری پرۆگرامەكە بكات لە كاتژمێر (9) تا (11)ی بەیانی بۆماوەی (3) ڕۆژ لە هەفتەیەكدا.
6-   ئەو خوێندكارانەی (%75) ئەرك و چالاكی پرۆگرامەكە بە سەركەوتوویی ئەنجام بدەن، بڕوانامەی بەشدار بوونی (پرۆگرامی ئەكادمیای ئامادەكاری پیشەیی)ان پێ دەدرێت.   
خۆتۆماركردنی خوێندكاران
خوێندكارانی بەڕێز، دوای وەرگرتنی زانیاری دروست لەسەر پرۆگرامەكە و مەرج و ڕێنمایی بەشداری كردن. هەر خوێندكارێك ئارەزوو مەند بێت بەشداری پرۆگرامەكە بكات، دەتوانێت سەردانی ئەم لینكەی خوارەوە بكات فۆرمی بەشداری كردن پڕبكاتەوە:
 
https://bit.ly/3kHvp9b
 
دواكات بۆ خۆ تۆمار كردن، ڕۆژی شەممە ڕێكەوتی 2020/08/22 تا كاتژمێر 12 ی شەو.
هیوای سەركەوتن بۆ سەرجەم خوێندكارانی زانكۆی سلێمانی دەخوازین
 
سەنتەرێ پەرەپێدانی هەلی كار (CDC)
زانكۆی سلێمانی
[email protected]
 
 
 
 




 2020-08-16
 1607