پەیامێك لە سەرۆكایەتی زانكۆی سلێمانییەوە



پەیامێك لە سەرۆكایەتی زانكۆی سلێمانییەوە

 [email protected]

خوێندكارانی ئازیز
 كەسوكاری خوێندكاران
 ئاشكرایە پەرەپێدانی توانای زانستی خوێندكاران ئەركی سەرەكیمانە بەڵام لەم قۆناغەدا كە كۆی مرۆڤایەتی گیرۆدەی مەترسیەكانی ڤایرۆسی كۆرۆنایە پێمان وایە تەندروستی وپاراستنی ژیانی ئێوە ئەركی لەپێشترمانە، ھەر ئەمەشە ھۆكاربووە كە بەقۆناغ بەندی بڕیار بدەین لەبارەی چۆنیەتی دەستپێكردن وبەردەوامی پرۆسەی خوێندن وە ڕێگەنەدەین ھیچ فشارێك وابكات قوربانی بدەین بە تەندروستی و ژیانی ئێوە و ئازیزانتان. وەك بینیتان لەژێر رۆشنایی بڕیارەكانی وەزارەتی خوێندنی باڵا وتوێژینەوەی زانستی ورێكارە تەندروستیەكانی وەزارەتی تەندروستی بە بەرپرسیارێتیەوە قۆناغ بەقۆناغ ئەو بەڵێنانەمان جێبەجێكرد كە پێماندابوون وەك دەستپێكردنی خوێندنی ئەلیكترۆنی لە ٤-١٠-٢٠٢٠ پاشان خوێندنی ناو كەمپەس لە ٨-١١-٢٠٢٠ ئێستاش لەقۆناغی دابینكردنی پێداویستیەكان و ئامادەسازیین بۆ كردنەوەی بەشەناوخۆییەكان لەسەرەتای مانگی (١٢) بۆ كۆلێج بەكۆلێجی زانكۆكەمان بەپێی ئاستی پێویستیان وبەشدارییان لەناو كلینیك ووانە پراكتیكەكان تا دەگەینە ئەو ئاستەی بەشە ناوخۆییەكان بە ڕووی تەواوی كۆلێجەكاندا دەكەینەوە لە زووترین كات وگونجاوترین كاتدا. شایەنی باسە كە زانكۆی سلێمانی بەو ژمارە زۆرەی خوێندكار كە لەناو كەمپەس وبەشە ناوخۆییەكاندا ھەیەتی، یەكەم زانكۆیە كە بڕیار دەدات دەرگای بەشە ناوخۆییەكان بكاتەوە بە ڕووی خوێندكاراندا لەم بارودۆخەدا كە ڤایرۆسێكی كوشندە و قەیرانێكی دارایی باڵی كێشاوە بەسەر ناوچەكەماندا. بۆیە لێرەوە سوپاسی تەواوی مامۆستایان وفەرمانبەرانی زانكۆ دەكەین كە بەردەوام ھۆكاری سەركەوتنی ھەنگاوەكانمان بوون، وە پێزانینمان ھەیە بۆ ھەموو ئەو دەزگا ولایەن و ڕێكخراوانە كە ھاوكارمان بوون لەم پرۆسەدا، وە داواكارین لە خوێندكارانی ئازیز لە ڕۆژەكانی داھاتوودا پابەندی تەواوی رێكارە تەندروستیەكان وھۆكارەكانی خۆپارێزی بن لەناو كەمپەس وبەشەناوخۆییەكان بە ئومێدی ئەوەی ھەنگاوی گونجاوتر بنێین بۆ ئاسایكردنەوەی پرۆسەی خوێندن وبەشە ناوخۆییەكان لە زانكۆكەماندا نەك بەھۆی خۆنەپارێزی وبەریەك كەوتنی زیاتر باری تەندروستی ناجێگیرتر بكەین و بە ئاراستەیەكی پێچەوانەوە ھەنگاوبنێین.

سەرۆكایەتی زانكۆی سلێمانی

        ١٧-١١-٢٠٢٠





 2020-11-17
 4310