ئەنجوومەنی زانكۆ كۆبوونەوە



ئەنجوومەنی زانكۆ كۆبوونەوە

 kosar othman([email protected])

 ئەمڕۆ 25-11-2020، بەسەرۆكایەتی پڕۆفیسۆری یاریدەدەر د. ڕەزا حەسەن سەرۆكی زانكۆی سلێمانی و ئامادەبوونی یاریدەدەرانی سەرۆكی زانكۆ و سەرجەم ئەندامانی ئەنجومەنی زانكۆ و بە جێبەجێكردنی رێنماییە خۆپارێزییەكان لە پەتای كۆرۆنا، كۆبوونەوەی ئاسایی ئەنجومەنی زانكۆی سلێمانی بەڕێوەچوو.

لەسەرەتای كۆبوونەوەكەدا كە نوێنەری خوێندكاران ئامادەبوو، گفتوگۆ لەسەر چەند كێشەیەكی خوێندكاران كراو چەند پێشنیارێك بۆ چارەسەركردنی ئەو كێشانە لە ئەنجومەن كراو بڕیاری چارەسەركردنی درا.

هەروەها باسی لەوەشكرد كە لەكەمپی ناوشاری زانكۆی سلێمانی یاریگایەك هەیەو خراپ بووە، لای خۆیەوە سەرۆكی زانكۆی سلێمانی بەڵێنی چاككردنی ئەو یاریگایەی پێدان.

دواتر لەلایەن لیژنەی بۆلۆنیا برۆسیس كە ئامادەی كۆبوونەوەكە بوون سیمینارێكیان پێشكەشكردو بە داتا و زانیاری هەموو كارو چالاكیەكانیان بۆ ئەندامانی ئەنجوومەن ڕونكردەوە، دواتر سەرۆكی زانكۆی سلێمانی بەناوی ئەندامانی ئەنجوومەنی زانكۆ زۆر سوپاسی هەوڵ و ماندوبوونەكانی ئەولیژنەیەی كرد و وتیشی یەكەم زانكۆین لەسەر ئاستی هەرێم كە بەو جۆرە كارو چالاكی داتاو زانیارییەكانمان بەشێوەیەكی ئاشكرا لەڕێگەی ئەولیژنەیەوە تۆمار دەكرێت.

داواشی كرد هەر ئەو لیژنەیە لەئەنجوومەنی وەزارەتی خوێندنی باڵادا سیمینارێك پێشكەش بكەن تا سوود لە زانیارییەكانیان وەربگیرێت.

سەبارەت بەكردنەوەی بەشە ناوخۆییەكانیش بەپێی قۆناغ سەرەتا بۆ بەشە پزیشكییەكان دەبێت ئەویش بە ڕەچاوكردنی ڕێنماییە تەندروستییەكان،جگە لەوەش بڕیارە لەناوەڕاستی مانگی داهاتوو تاقیكردنەوەی بەشێك لەكۆلێجەكان دەست پێبكات كە بەپێی بڕیاری وەزارەت تاقیكردنەوە لەناو كەمپەس دەبێت،بۆ ئەو مەبەستەش سەرۆكی زانكۆ بڕیاریدا كە بۆ ئەو كاتانە بەشە ناوخۆیی بۆ خوێندكارانی دەرەوەی شار ئامادە بكەن.

هەر لەو كۆبوونەوەیەشدا بڕیاردرا لەهەفتەی داهاتوو دەوامی خوێندكارانی قۆناغی یەك و دوو بە شێوازی ئەلكترۆنی دەست پێبكات.





 2020-11-25
 401