مامۆستایەکی بەشی سیاسەت و پەیوەندیە نێودەوڵەتیەکان چەند چالاکیەکی ئەکادیمی لە چەند وڵاتێکی ئەوروپا ئەنجام دەدات



مامۆستایەکی بەشی سیاسەت و پەیوەندیە نێودەوڵەتیەکان چەند چالاکیەکی ئەکادیمی لە چەند وڵاتێکی ئەوروپا ئەنجام دەدات

 [email protected]

مامۆستا ستەم کامیل، مامۆستا لە بەشی سیاسەت و پەیوەندیە نێودەوڵەتیەکانی کۆلێکی زانستە ڕامیارییەکان، هەروەها بەڕێوەبەری سەنتەری ڕاهێنانی پێداگۆجی و پەرەپێدانی ئەکادیمی لە زانکۆی سلێمانی، لە گەشتێکی ئەکادیمدا بۆ وڵاتانی چیک، بەلجیکا و فینلاند، چەند چالاکیەکی ئەکادیمی ئەنجام دەدات. 

سەنتەری لێکۆڵێنەوەی ڕۆژهەڵاتی ناوەڕاستی ئەمەریکی، بە فەرمی مامۆستا ستەم کامیل بانگهێشت دەکات بۆ بەشداریکردن لە کۆنفرانسێکی چەند ڕۆژی دەربارەی پرسە سیاسیە هەنوکەییەکانی ڕۆژهەڵاتی ناوەڕاست لە وڵاتی چیک. دواتر، لە ١٧ ی ٢ دا، لە وڵاتی بەلجیکا و لە شاری بروژ، مامۆستا ستەم وەک قسەکەری دوەم بوە میوان لە زانکۆی کۆلێژی ئەوروپا بۆ قسەکردن دەربارەی فکری سیاسی ژنە بیرمەندی سیاسی هانا ئارێنت. دوای کۆتای هاتنی سیمینارەکە، لە لێدوانێکدا بۆ زانکۆی کۆلێژی ئەوروپا، مامۆستا ستەم کۆمەڵێک سەرنجی خستۆتەڕو سەبارەت بە گرنگی خوێنەوەی پاشخانی فکری سیاسی هانا ئارێنت بۆ دۆخی سیاسی ئێستای دنیا بە گشتی و، کلتوری سیاسی لە ڕۆژهەڵاتی ناوەڕاست و هەرێمی کوردستان بە تایبەتی.
لینکی لێدوانەکەمان لەسەر وێبسایتی زانکۆی کۆلێژی ئەوروپا: 

https://www.coleurope.eu/events/library-talks-series-prof-dirk-de-schutter-political-theory-hannah-arendt

دواتر، هەر لە بەلجیکا و لە شاری بڕۆکسل، لە بەرواری ١٨ ی ٢ دا، مامۆستا ستەم بەشداری لە کۆنفرانسێکی تایبەتی یەکێتی ئەوروپا (EU) کرد دەربارەی کاریگەریەکانی هۆشمەندی دەستکرد (Artificial Intelligence) لەسەر ئایندەی کۆمەڵگە، ئابوری  و ژینگەی وڵاتانی ئەوروپی. 
     لە سێهەم وێستگەدا، مامۆستا ستەم لە بەرواری ٢٢ بۆ ٢٨/٢ سەردانی وڵاتی فنلەندای کرد چەند چاوپێکەوتنێکی و لە زانکۆکانی هێلسینکیو  هامک ئەنجامدا لەگەڵ کەسانی پسپۆڕ دەربارەی شیوازی ڕێکخستنی هەیکەلی زانکۆ و پرسی داڕشتنی پۆڵەسی پەروەردەیی. ئامانج لە ئەنجامدانی ئەم چاوپێکەوتنانە، بریتی بو لە کۆکردنەوەی داتا و زانیاری بۆ کارکردن لە  پڕۆژەی گەشپێدان (Development Project)، کە وەک پێداویستی تەواوکردنی کۆرسی مەشقی پێداگۆجی  لە سیمینارێکدا پێشکەشی زانکۆی هامک و وەزارەتی خوێندنی باڵا و توێژینەوەی زانستی هەرێمی
کوردستانی کرد




 2020-12-14
 761