پەیامی سەرۆكی زانكۆی سلێمانی لە 47 ھەمین ساڵیادی شەھیدانی زانكۆ



پەیامی سەرۆكی زانكۆی سلێمانی لە 47 ھەمین ساڵیادی شەھیدانی زانكۆ

 [email protected]

لەساڵیادی كارەساتی بۆردومانی قەڵادزێ بە چەكی ناپاڵمی قەدەغەكراو و شەهیدكردنی چەندین مامۆستاو فەرمانبەرو خوێندكاری زانكۆی سلێمانی و هاووڵاتیانی مەدەنی ئەو ناوچەیە، پرۆفیسۆری یاریدەدەر د. ڕەزا حەسەن سەرۆكی زانكۆی سلێمانی پەیامێكی بڵاوكردەوە، كە ئەكە دەقەكەیەتی:

زانكۆی سلێمانی ھەر لە سەرەتای دامەزراندنیەوە قوتابخانەیەك بوو بۆ فێر بوونی كوردایەتی لەتەك ئەركە زانستی و پەروەردەییەكەیدا چەندین كەسایەتی نیشتمانپەروەر و خەباتگێری گەلەكەمان لەم زانكۆیەوە خۆشەویستی نیشتمان لەناخیاندا چەكەرەی كرد، بۆیە پاش تێپەربونی ١٣ ساڵ بەسەر دامەزراندنیدا ئەم ناوەندە ئەكادیمی و نیشتمانیە گەورەیە كەوتە بەر شاڵاوی ڕژێمی بەعسی فاشست، لە كاتێكدا دڵسۆزانی ئەم زانكۆیە لە مامۆستایان و فەرمانبەران و خوێندكاران رازی نەبوون زانكۆكەیان لە ژێر حكومی بەعسدا بەردەوامی بەخوێندن بدەن و زانكۆیان لەگەڵ خەڵكانی نیشتمان پەروەر گواستەوە وە ڕژێمی بەعس پشتریش دوور لە ھەموو رەوشتێكی مرۆڤایەتی لە ڕۆژی 24-4-1974 بە دڕندانەترین شێوە كەوتە بۆردومانكردنی شاری قەڵادزیی كە بۆ یەكەم جار زانكۆی سلێمانی لە ئامێز گرتبوو، لەئەنجامی ئەو بۆردمانە بەداخەوە چەندین كەسایەتی ومامۆستا و خوێندكار و فەرمانبەری  زانكۆی سلێمانی شەھید و بریندار بوون، لە 47 ھەمین ساڵیادی بۆردومانكردنی شاری قەڵادزێ و زانكۆی سلێمانی سەری ڕێز نەوازش بۆ شەھیدانی ڕێگەی زانست و سەرجەم شەھیدانی كورد و كوردستان دادەنەوێنین .

پرۆفیسۆری یاریدەدەر
 د. ڕەزا حسن حسین
سەرۆكی زانكۆی سلێمانی


 





 2021-04-23
 600