دوو مامۆستای زانكۆی سلێمانی بە توێژینەوەیەك نوێترین سیستمی دەنگدانی ئەلكترۆنی دەخەنە روو



دوو مامۆستای زانكۆی سلێمانی بە توێژینەوەیەك نوێترین سیستمی دەنگدانی ئەلكترۆنی دەخەنە روو

 [email protected]

 

دوو مامۆستای زانكۆی سلێمانی توێژینەوەیەك بەناوی (Design and implementation e. voting system based on descriptive     

 statistics ) لە گۆڤاری (الادارە والاقتصاد)ی زانكۆی مستنصریە لە (25/7/2021) بڵاودەکەنەوە  .

توێژینەوەكە بریتییە لە بەكارهێنانی دەنگدان بە شێوەی ئەلكترۆنی كە دەنگدەر دەتوانێت بە متمانەیەكی زیاتر روو لە هەڵبژاردن و دەنگدان بكات.

پرۆفیسۆری یاریدەدەر دکتۆرە سمیرە محمد صالح محمد مامۆستا لە کۆلیجی کارگێری و ئابوری بەشی ئامار و زانیاری ، مامۆستای یاریدەدەر ڕۆشنا محمد محمد امین لەکۆلیجی پەروەردە -ماتماتیک  لە لێدوانێكیان بۆ سایتی زانكۆی سلێمانی باسیان لە توێژینەوەکەیان كردو ووتیان، وەك هەنگاوی یەكەم دەبێت ئەو كەسانەی كە دەتوانن دەنگ بدەن لە (داتابەیسێك) ناوەكانیان داخل بكرێت و سەرجەم ئەو زانیارییانەی لەكارتی دەنگدان هەیە تۆماركرابێت، لە رێی ئامێرێك كە پێی دەوترێت (NFC).

كاتێك دەنگدەر كارتی دەنگدان بەكاردەهێنێت لە رێی (NFC) ناسینەوەی بۆ دەكات و رێگەی پێ دەدات كە بۆی هەیە بەشداری پرۆسەكە بكات.

دوای ناسینەوەی دەنگدەر فۆرمی هەڵبژاردنی تایبەت بە هەڵبژاردن دێتە بەردەستی دەنگدەرو ناوی پارتەكان هەڵدەبژێرێت و دواتر ناوی كاندیدەكانی هەمان پارت پیشان دەدات، لە جاری سێیەمدا بۆ دڵنیا بوون (ناوو ژمارەی پارت  كاندیدەكە) دڵنیا دەكاتەوەو دەنگ دەدات.

لەلایەكی ترەوە كۆمسیۆن كە دەبێتە (ئەدمین) لە پڕۆسەكە چاودێری داتابەیسەكە دەكات كە چەند كەس دەنگی داوەو رێژەی بەشداری كردن چۆنە.

ئاماژەشیان بەوە دا لەماوەیەكی كەمدا دوای تەواوبوونی پڕۆژەكە دەتوانرێت ئەنجامەكان رابگەیەنرێت لە رێی ئەو وێنانەی كە وەك (statistical chart) وان لە راگەیاندنەكانەوە پەخش بكرێت.

لە كۆتایی توێژنەوەكە لەسەر (200) كەس تاقیكردنەوەی لەسەر كراوە، ئەنجامەكانی لەسەر ئاستی پارێزگاكانی هەرێم (سلێمانی- هەولێر- دهۆك- هەڵەبجە) بۆ پارت و كاندیدەكان ئەنجامەكانی كۆكراوەتەوەو دەنگدەر دەتوانێت لە هەر شوێنێك بێت لە رۆژی دەنگدان ئەگەر لە پارێزگاكەی خۆشی نەبێت بتوانێت دەنگ بدات.

 

 

 





 2021-09-02
 2213