ئەنجوومەنی زانكۆی سلێمانی كۆبوونەوەیەكی نا ئاسایی ئەنجامدا بۆ پشتگیری لەداوا ڕەواكانی خوێندكاران



ئەنجوومەنی زانكۆی سلێمانی كۆبوونەوەیەكی نا ئاسایی ئەنجامدا بۆ پشتگیری لەداوا ڕەواكانی خوێندكاران

 kosar othman([email protected])

 ئەمڕۆ 23-11-2021 ئەنجوومەنی زانكۆی سلێمانی بۆ پشتگیری لەداواكاری خوێندكاران بەگەڕانەوەی دەرماڵەی زانكۆی بۆیان كۆبوونەوەیەكی نائاسایی ئەنجامدا پاڵپشتی و پشتیوانی سەرۆكی زانكۆو سەرجەم ئەندامانی ئەنجوومەنیان ڕاگەیاند بۆ داواكەیان، هاوكات سەرۆكی زانكۆو سەرجەم ئەندامانی ئەنجوومەن بەشێوازێكی كرداری چونە ناوو خوێندكارە خۆپیشاندەرەكان و ڕوبەڕو پشتگیری خۆیان بۆ داوا ڕەواكەیان دەربڕی، لەهەمانكاتداسەرۆكی زانكۆی سلێمانی داوای لەخوێندكارانی زانكۆ كرد بەهۆی ئەو پلەو پایە بەرزەی كە لەناو كۆمەڵگەدا هەیانە بەشێوازێكی شارستانی داوای مافەكانیان بكەن، چونكە بەهیچ جۆرێك نایەوێت تووشی ئازار بن.

هەروەها بەڵێنی ئەوەشی پێدان كە هیچ خوێندكارێك لەلایەن كۆلێج و بەشەكانی زانكۆوە سزا نادرێت لەسەر داواكردنی مافە ڕەواكانیان.

سەرۆكی زانكۆ جەختیشی كردەوە كە داواكەیان بۆ دەرماڵە ڕەوایەو ئەنجوومەنی زانكۆ دەبێتە نوێنەریان بۆ بەرزكردنەوەی ئەو داواكارییەیان بۆ لایەنە پەیوەندیدارەكان.

 





 2021-11-23
 246