لە رۆژی جیهانی فەلسەفەدا زانكۆی سلێمانی سیمپۆزیۆمی ناكۆتا رێكدەخات



لە رۆژی جیهانی فەلسەفەدا زانكۆی سلێمانی سیمپۆزیۆمی ناكۆتا رێكدەخات

 [email protected]

بە بۆنەی رۆژی جیهانی فەلسەفەوە زانكۆی سلێمانی، لە هۆڵی هۆتێل هایكرێست، سیمپۆزیۆمی "ناكۆتا" ی رێكخست، كە تێدا واتای ناكۆتا لە زانستە سروشتی و مرۆییەكاندا، بە شێوازی زانستی لە دیدی زانستەكانی فیزیاو جیۆلۆجی و ماتماتیك، هەروەها لە دیدی ئاین و زانستە مرۆییەكاندا، لەلایەن چەند مامۆستایەكی زانكۆی سلێمانییەوە بە وردی باسكران.
سەرەتای سیمپۆزیۆمەكەش بە ساتێك وەستان بە بێدەنگی بۆرۆحی پاكی شەهیدان دەستیپێكرد، دواتر وتەیەك لەلایەن پرۆفیسۆری یاریدەدەر د. ئازاد حەمە رێكخەری سیمپۆزیۆم پێشكەشكرا، كە تیدا باسی لە رۆڵی گرنگی فەلسەفە كرد لە ژیانی رۆژانەماندا بۆ دروستكردنی پرسیارو گەڕان بەدوای وەڵامی پرسیارەكاندا، تەئكدیشیكردەوە فەلسەفە دایكی هەموو زانستەكانە، چونكە هەموو زانستەكان بەدوای وەڵامی ئەو پرسیارانەدا دەگەڕێن كە دەكرێن هەروەها خودی زانست خۆی ئارەزوو حەزە بۆ زانین.
پاشان وتەی سەرۆكایەتی زانكۆی سلێمانی لە لایەن پڕۆفیسۆر د. كاوە جەمال یاریدەدەری سەرۆكی زانكۆی سلێمانی بۆ كاروباری كارگێڕی و دارایی بەو بۆنەیەوە پێشكەشكرا، كە تێدا باسی لە گرنگی فەلسەفەو پەیوەندی فەلسەفەو زانستەكان كردو ئەنجامدانی ئەو جۆرە چالاكییانەشی بە گرنگ وەسفكرد، هەروەها پشتگیری تەواوی سەرۆكایەتی زانكۆی سلێمانی بۆ ئەنجامدانی هەموو چالاكییەكی زانستی دووپاتكردەوە.
پاشان بەپێی خشتەی دیاریكراو چالاكییەكانی سیمپۆزیۆمەكە دەستیپێكرد، كە گروپی یەكەم باسكردنی واتای ناكۆتا لە زانستە سروشتییەكاندا بوو، هەروەها گرووپی دووەم تایبەت بوو بە باسكردنی واتای ناكۆتا لە زانستە مرۆییەكاندا.    
  




 2022-11-23
 116