سەنتەری هەماهەنگی زانکۆ و کۆمەڵگە سەردانی فڕۆکەخانەی نێودەوڵەتی سلێمانی دەکات



سەنتەری هەماهەنگی زانکۆ و کۆمەڵگە سەردانی فڕۆکەخانەی نێودەوڵەتی سلێمانی دەکات

 kosar othman([email protected])

 ڕۆژی 3-1-2023 لەسەر ڕاسپاردەی پرۆفیسۆر د.کۆسار محمد  سەرۆکی زانکۆی سلێمانی شاندێکی سەنتەری هەماهەنگی زانکۆ و کۆمەڵگە بە سەرۆکایەتی پرۆفیسۆری یاریدەدەر د.عبدالفتاح هەورامی بەمەبەستی پیرۆزبایی دەستبەکاربونی هەندرێن موفتی وەک بەڕێوەبەری نوێی فڕۆکەخانەی نێودەوڵەتی سلێمانی و دروستکردنی هەماهەنگی و کاری پێکەوەیی لەنێوان هەردوو دامەزراوەکە سەردانی فڕۆکەخانەیان کرد.

لەو سەردانەیاندا  لەسەر داخوازی بەڕێوەبەری فڕۆکەخانە شاندەکە سەردانی پەیمانگای فڕۆکەوانی شارستانیان کرد و لەلایەن زانا ئەفندی پسپۆڕی زمانی ئینگلیزی فڕۆکەوانی و مامۆستا میران بەڕێوەبەری پەیمانگا پشوازی کران و باسی کارو چالاکی و گرنگی پەیمانگاکەیان کرد.

  لە کۆتاییدا فەرهەنگی زاراوەی فڕۆکەوانی کە لە وەرگێڕان و ئامادەکردنی زانا ئەفندی بوو وەک دیاری پێشکەش بەشاندی زانکۆمان کرا.





 2023-01-04
 320