وەزیری خوێندنی باڵاو سەرۆكی زانكۆی سلێمانی كۆبونەوە



وەزیری خوێندنی باڵاو سەرۆكی زانكۆی سلێمانی كۆبونەوە

 shna.amin@univsul.edu.iq

سەر لەبەیانی ئەمڕۆ 2016/11/26 بە ئامادەبوونی(د.یوسف گۆران)وەزیری خویندنی باڵاو توێژینەوەی زانستی و پڕۆفیسۆری یاریدەدەر (د.ڕەزاحەسەن حسێن)سەرۆكی زانكۆ بە وەكالەت و ژمارەیەك لە ئەندامانی ئەنجومەنی زانكۆی سلێمانی  و سەرۆكی زانكۆی پۆلیتەكنیكی سلێمانی، لە سەرۆكایەتی زانكۆی سلێمانی كۆبونەوەیەكیان ئەنجامدا كە نزیكەی دوو كاتژمێری خایەند،كە چەندین تەوەر و باس خرانەڕوو.

 لە كۆبونەوەكەدا باس لە وەرگرتنی خوێندكارانی قۆناغی یەكەم كرا لەگەڵ دابینكردنی سەرجەم پێداویستییەكانی خوێندكاران لە هۆڵی خوێندن و بەشە ناوخۆییەكان و سەرجەم پێداویستییەكانی تری پڕۆسەكە، بەشێكی تری كۆبونەوەكەش گفتوگۆكردن بوو لە سەرچارەسەركردن و باشكردنی  باری دارایی مامۆستایان لە پێناو دۆزینەوەی ڕێگەچارەیەكی گونجاو بە پشت بەستن بە بڕیاری سەربەخۆیی زانكۆیی ساڵی 2016،وە جەختیشكرایەوە لەسەر دەستپێكردنەوەی دەوامی خوێندكارانی ماستەر و دكتۆرا.

هەر لە كۆبونەوەكەدا سەرۆكایەتی زانكۆی سلێمانی سوپاسی وەزارەتی كرد لە بەدەنگەوەهاتنی داواكارییەكانیان لە دابینكردنی مامۆستای گرپێبەستی بیانی كە ڕۆڵێكی گرنگی دەبێت لە بەرزكردنەوەی ئاستی زانستی زانكۆ  لە ناوخۆ و دەرەوەدا و داواشكرا هەوڵی زیاتر بدرێت لەو بوارەدا، وە باس لەو ڕێكەوتنەشكرا كە لە نێوان زانكۆی سلێمانی و زانكۆی ئەسفەهانی سەنعاتی  ئێراندا ئەنجامدراوە سەبارەت بە دەستنیشانكردنی خوێندنی خوێندكاران لە سێ بەشی ئەندازیاری و چۆنێتی پێشكەشكردنی داواكاری پێشكەشكردن بۆ خوێندن،بە جۆرێك ئەم خوێندنە تەنها بۆ خوێندكارانی كوردستانە ودەبێت لە زانكۆی سلێمانی بخوێنن.





 2016-11-26
 1779